FINANCE

ആറുകോടിയിലധികം തൊഴിലാളികൾക്ക് ഗുണകരമാകുന്ന തീരുമാനവുമായി കേന്ദ്രസർക്കാർ; ഇ.പി.എഫ്. പലിശ കൂട്ടാൻ ധനമന്ത്രാലയത്തിന്റെ അംഗീകാരം

29 Apr 2019

ന്യൂഏജ് ന്യൂസ്, ന്യൂഡൽഹി: നടപ്പുസാമ്പത്തിക വർഷം (2018-19) എംപ്ലോയീസ് പ്രൊവിഡന്റ് ഫണ്ട് നിക്ഷേപത്തിന് 8.65 ശതമാനം പലിശ അനുവദിക്കാനുള്ള ഇ.പി.എഫ്.ഒ.യുടെ തീരുമാനത്തിന് ധനമന്ത്രാലയത്തിന്റെ ധനസേവനവകുപ്പ് അനുമതി നൽകി. മന്ത്രാലയവൃത്തങ്ങളെ ഉദ്ധരിച്ച് വാർത്താ ഏജൻസി പി.ടി.ഐ.യാണ് ഇക്കാര്യം റിപ്പോർട്ട് ചെയ്തത്. നിലവിൽ 8.55 ശതമാണ് പലിശ.

സംഘടിതമേഖലയിൽ ജോലിചെയ്യുന്ന ആറുകോടിയിലധികം തൊഴിലാളികൾക്ക് ഗുണം ചെയ്യുന്നതാണ് തീരുമാനം. 2016-17ൽ ഇ.പി.എഫ്. പലിശ 8.8 ശതമാനത്തിൽനിന്ന് 8.65 ശതമാനമാക്കി കുറച്ചിരുന്നു. ഫെബ്രുവരിയിൽ കേന്ദ്ര തൊഴിൽമന്ത്രി സന്തോഷ് ഗംഗവാറിന്റെ അധ്യക്ഷതയിൽ ചേർന്ന ഇ.പി.എഫ്.ഒ. ഉന്നതാധികാര യോഗത്തിലാണ് പലിശ വർധിപ്പിക്കാൻ തീരുമാനിച്ചത്.

ധനമന്ത്രാലയത്തിന്റെ അംഗീകാരം ലഭിച്ചശേഷം ആദായനികുതിവകുപ്പും തൊഴിൽ മന്ത്രാലയവും നിരക്ക് വിജ്ഞാപനം ചെയ്യേണ്ടതുണ്ട്. അതിനുശേഷമായിരിക്കും പുതിയ നിരക്കിൽ പലിശ വരവുവെയ്ക്കാൻ ഇ.പി.എഫ്.ഒ. അതിന്റെ 120 പ്രാദേശിക ഓഫീസുകൾക്കും നിർദേശം നൽകുക. 

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story