ECONOMY

വ്യോമയാന മേഖല കടുത്ത പ്രതിസന്ധിയിലേക്ക്; അവധിക്കാലം വരാനിരിക്കേ ആഭ്യന്തര വിമാനടിക്കറ്റ് നിരക്ക് 20 ശതമാനം കൂടിയേക്കുമെന്ന് റിപ്പോർട്ട്

14 Mar 2019

ന്യൂഏജ് ന്യൂസ്, ന്യൂഡൽഹി: വൈമാനികരുടെ കുറവ്, വിമാനക്കമ്പനികൾ നേരിടുന്ന സാമ്പത്തിക ബുദ്ധിമുട്ട് എന്നിവയ്ക്കുപുറമേ, ബോയിങ് മാക്സ് പ്രതിസന്ധിയുംകൂടി വന്നതോടെ ഇന്ത്യൻ വിമാനയാത്രക്കാർ വലിയ വിലകൊടുക്കേണ്ടിവരും. കുടുംബങ്ങൾ വ്യാപകമായി യാത്രചെയ്യുന്ന സ്കൂൾ അവധിക്കാലം വരാനിരിക്കേ ആഭ്യന്തര വിമാനടിക്കറ്റ് നിരക്ക് 20 ശതമാനം കൂടിയേക്കുമെന്നാണ് പ്രമുഖ ഓൺലൈൻ ബുക്കിങ് കമ്പനികളുടെ അനുമാനം.

വിവിധ കാരണങ്ങളാൽ അമ്പതോളം വിമാനങ്ങൾ ഈവർഷം സർവീസ് നടത്തുന്നില്ല. കടബാധ്യതയെത്തുടർന്ന് ജെറ്റ് എയർവേസ് പ്രൈവറ്റ് ലിമിറ്റഡ് 40 ശതമാനം വിമാനങ്ങളും പറപ്പിക്കുന്നില്ല.12 ബോയിങ് 737 മാക്സ് വിമാനങ്ങൾ തത്കാലത്തേക്ക് ഒഴിവാക്കുന്നതായി സ്പൈസ്ജെറ്റും ബുധനാഴ്ച അറിയിച്ചു.

ടിക്കറ്റ് നിരക്ക് ഏറ്റവും കുറഞ്ഞ വിമാനമായ ഇൻഡിഗോ അടുത്ത രണ്ടുമാസത്തിനുള്ളിൽ ദിവസേന ഡസൺ കണക്കിന് സർവീസുകൾ റദ്ദാക്കിയേക്കും. വൈമാനികരുടെ കുറവുമൂലമാണിത്.

വിമാനത്തിൽ യാത്രചെയ്യുന്ന ഇന്ത്യക്കാരുടെ എണ്ണം കൂടിക്കൊണ്ടിരിക്കുകയാണെന്നാണ് ഇന്റർനാഷണൽ എയർ ട്രാൻസ്പോർട്ട് അസോസിയേഷന്റെ കണക്ക്. 2018 ജൂൺവരെ തുടർച്ചയായ 46 മാസം വിമാനയാത്രക്കാരുടെ എണ്ണത്തിലെ വളർച്ച രണ്ടക്കസംഖ്യയിലാണ് രേഖപ്പെടുത്തിയത്. ഈരീതിയിൽ മുന്നോട്ടുപോയാൽ, 2024 ആകുമ്പോഴേക്കും ലോകത്ത് ഏറ്റവുമധികം ആഭ്യന്തര വിമാന യാത്രക്കാരുള്ള രാജ്യമായി ഇന്ത്യ മാറും. 



Related News


Special Story

ചികിത്സാരീതികൾ മെച്ചപ്പെട്ടു, ബോധവൽക്കരണ പ്രവർത്തനങ്ങൾ കൂടി; രാജ്യത്ത് കാൻസർ രോഗികളുടെ എണ്ണത്തിൽ പ്രതിവർഷമുണ്ടാകുന്ന വളർച്ച രണ്ടക്കത്തിൽത്തന്നെ, കാൻസറിനെതിരെ ഇൻഷുറൻസ് പ്രതിരോധം സ്വീകരിക്കുന്നവർ കുറവെന്നും റിപ്പോർട്ട്
വിനോദ സഞ്ചാര മേഖലക്ക് പ്രതീക്ഷ നല്‍കി ക്രൂയിസ് ടൂറിസം; കേരളത്തിലേക്ക് ഈ സീസണില്‍ എത്തിയത് 26 ആഡംബര കപ്പലുകളും 35000ല്‍ ഏറെ സ‌ഞ്ചാരികളും, കൊച്ചിന്‍ പോര്‍ട്ട് ട്രസ്റ്റിന് ലഭിച്ചത് മൂന്ന് കോടിയോളം രൂപ