CORPORATE

റിലയന്‍സ് ഇടപാട് നടന്നില്ലെങ്കില്‍ പാപ്പരാകുമെന്ന് ഫ്യൂച്ചര്‍ ഗ്രൂപ്പ്, 29,000 പേര്‍ക്ക് ജോലി പോകുമെന്ന വാദവുമായി കമ്പനി നിയമപോരാട്ടത്തിന്

Newage News

28 Oct 2020

റിലയന്‍സുമായുളള ഇടപാട് നടന്നില്ലെങ്കില്‍ പാപ്പരാകുമെന്ന് ഫ്യൂച്ചര്‍ റീട്ടെയ്ല്‍ കമ്പനി. സിംഗപ്പൂര്‍ ഇന്റര്‍നാഷണല്‍ ആര്‍ബിട്രേഷനെ ആണ് ഫ്യൂച്ചര്‍ ഗ്രൂപ്പ് ഇക്കാര്യം അറിയിച്ചിരിക്കുന്നത്. ഫ്യൂച്ചര്‍ റീട്ടെയ്ല്‍ കമ്പനിയുടെ ആസ്തികള്‍ റിലയന്‍സിന് വിറ്റ നടപടി കഴിഞ്ഞ ദിവസം സിംഗപ്പൂര്‍ ആര്‍ബിട്രേറ്റര്‍ താല്‍ക്കാലികമായി സ്റ്റേ ചെയ്തിരുന്നു. ഇടപാടിനെതിരെ ആമസോണ്‍ ആണ് സിംഗപ്പൂര്‍ ആര്‍ബിട്രേഷനെ സമീപിച്ചത്.

തങ്ങളുമായുണ്ടാക്കിയ ഉടമ്ബടിയിലെ ചില വ്യവസ്ഥകള്‍ ഫ്യൂച്ചര്‍ റീട്ടെയ്ല്‍ ലിമിറ്റഡ് ലംഘിച്ചു എന്ന് ആരോപിച്ചാണ് റിലയന്‍സുമായുളള ഇടപാടിന് ആമസോണ്‍ തടയിട്ടത്. റിലയന്‍സുമായുളള ഇടപാട് നടക്കാതെ വന്നാല്‍ കമ്പനി പൂട്ടേണ്ട അവസ്ഥയാകുമെന്നും 29,000ത്തോളം പേര്‍ക്ക് ജോലി നഷ്ടപ്പെടുമെന്നും കമ്പനി സിംഗപ്പൂര്‍ ആര്‍ബിട്രേഷനെ അറിയിച്ചു.

അമേരിക്ക ആസ്ഥാനമായി പ്രവര്‍ത്തിക്കു ഇ-കൊമേഴ്‌സ് രംഗത്തെ ഭീമനായ ആമസോണ്‍ 2019ലാണ് ഫ്യൂച്ചര്‍ കൂപ്പണിന്റെ ഓഹരികള്‍ വാങ്ങിയത്. 49 ശതമാനം ഓഹരികളാണ് ആമസോണ്‍ സ്വന്തമാക്കിയത്. ഫ്യൂച്ചര്‍ റീട്ടെയ്ല്‍ കമ്പനിയുടെ 5 ശതമാനം ഓഹരികള്‍ കൂടി ഈ ഇടപാടിലൂടെ ആമസോണിന് ലഭിച്ചിരുന്നു. ഇതുമായി ബന്ധപ്പെട്ടാണ് ഉടമ്പടി ലംഘനം നടന്നുവെന്ന ആമസോണിന്റെ പരാതി.

മുകേഷ് അംബാനി ഗ്രൂപ്പിന്റെ സ്ഥാപനങ്ങള്‍ അടക്കമുളളവയ്ക്ക് ആസ്തികള്‍ വില്‍പന നടത്തരുത് എന്നും ഉടമ്പടി ഏതെങ്കിലും തരത്തില്‍ ലംഘിക്കപ്പെട്ടാല്‍ സിംഗപ്പൂര്‍ ഇന്റര്‍നാഷണല്‍ ആര്‍ബിട്രേഷന്‍ സെന്റര്‍ വഴി ചോദ്യം ചെയ്യാവുന്നതാണ് എന്നും ഉടമ്പടിയിലുണ്ടെന്നാണ് ആമസോണ്‍ വാദിക്കുന്നത്.

സ്‌റ്റേ ഉത്തരവ് വന്നതിന് പിറകേ റിലയന്‍സിന്റെയും ഫ്യൂച്ചര്‍ റീട്ടെയ്ല്‍ കമ്പനിയുടെയും ഓഹരികള്‍ ഇടിഞ്ഞിരുന്നു. അധികം താമസം വരുത്താതെ തങ്ങള്‍ക്ക് ഇടപാട് പൂര്‍ത്തിയാക്കേണ്ടതുണ്ട് എന്നാണ് റിലയന്‍സും ഫ്യൂച്ചര്‍ റീട്ടെയ്ല്‍ കമ്പനിയും പ്രതികരിച്ചിരിക്കുന്നത്. സിംഗപ്പൂര്‍ ആര്‍ബിട്രേഷന്‍ തീരുമാനത്തെ ആമസോണ്‍ സ്വാഗതം ചെയ്തിട്ടുണ്ട്.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story