ECONOMY

സ്വർണം ഇറക്കുമതിയിൽ 471 ശതമാനം വളർച്ച

Newage News

05 Apr 2021

കൊച്ചി: ഇന്ത്യയിലേക്കുള്ള സ്വർണം ഇറക്കുമതി മാർച്ചിൽ കുറിച്ചത് 471 ശതമാനം വളർച്ച. 160 ടൺ സ്വർണമാണ് കഴിഞ്ഞമാസം ഇന്ത്യ വാങ്ങിയത്. എക്കാലത്തെയും ഉയർന്ന പ്രതിമാസ ഇറക്കുമതിയാണിത്. സ്വർണവില ഒരുവർഷത്തെ താഴ്‌ചയിലേക്ക് കൂപ്പുകുത്തിയതും ഇറക്കുമതിച്ചുങ്കം കേന്ദ്രസർക്കാർ 12.5 ശതമാനത്തിൽ നിന്ന് 10.75 ശതമാനമായി കുറച്ചതും ഇറക്കുമതി കൂടാൻ വഴിയൊരുക്കി. വിവാഹ സീസൺ മുന്നിൽക്കണ്ട് റീട്ടെയിൽ ഉപഭോക്താക്കൾ, ജുവലറിക്കാർ എന്നിവരിൽ നിന്ന് മികച്ച ഡിമാൻഡുണ്ടായതും ഇറക്കുമതിയിൽ പ്രതിഫലിച്ചു.

കഴിഞ്ഞ ആഗസ്‌റ്റിൽ രാജ്യാന്തര വിപണിവില ഔൺസിന് 2,072 ഡോളർ എന്ന റെക്കാഡ് കുറിച്ചിരുന്നു; ഇന്ത്യയിൽ ബുള്ള്യൻ വില (പത്ത് ഗ്രാം) 50,000 രൂപയും കടന്നു. കേരളത്തിൽ പവൻ വില 42,000 രൂപയിലും എത്തിയിരുന്നു. എന്നാൽ, കഴിഞ്ഞമാസം രാജ്യാന്തരവില ഒരുവർഷത്തെ താഴ്‌ചയായ 1,650 ഡോളർ നിലവാരത്തിലേക്ക് താഴ്‌ന്നു. ബുള്ള്യൻ വില 43,320 രൂപയിലും പവൻവില 32,880 രൂപയിലും എത്തിയത് ഇറക്കുമതി വളർച്ചയ്ക്ക് തുണയായി.

വ്യാപാരക്കമ്മി കൂടുമെന്നതിനാൽ സ്വർണം ഇറക്കുമതി വർദ്ധനയെ ആശങ്കയോടെയാണ് കേന്ദ്രസർക്കാരും റിസർവ് ബാങ്കും കാണുക. കമ്മിഭാരം കൂടിയാൽ സ്വർണം ഇറക്കുമതിക്ക് വീണ്ടും നിയന്ത്രണമേർപ്പെടുത്താൻ ഇവർ ശ്രമിച്ചേക്കും. കയറ്റുമതിയും ഇറക്കുമതിയും തമ്മിലെ അന്തരമാണ് വ്യാപാരക്കമ്മി.

കഴിഞ്ഞ സാമ്പത്തിക വർഷത്തെ (2020-21) അവസാനപാദമായ ജനുവരി-മാർച്ചിൽ സ്വർണം ഇറക്കുമതി 321 ടണ്ണാണ്. 2019-20ലെ സമാനപാദത്തിൽ ഇറക്കുമതി 124 ടണ്ണായിരുന്നു.

കഴിഞ്ഞമാസത്തെ സ്വർണം ഇറക്കുമതിച്ചെലവ് 840 കോടി ഡോളർ. 2020 മാ‌ർച്ചിൽ ചെലവ് 123 കോടി ഡോളർ മാത്രമായിരുന്നു.

കൊവിഡ് കേസുകൾ കൂടുന്ന സംസ്ഥാനങ്ങളിൽ ലോക്ക്ഡൗൺ ഏർപ്പെടുത്തിയേക്കുമെന്ന ഭയം വിപണിയിലുണ്ട്. ഈമാസത്തെ സ്വർണം ഇറക്കുമതി 100 ടണ്ണിനും താഴെ ആയിരിക്കാനാണ് സാദ്ധ്യതയെന്ന് വിലയിരുത്തപ്പെടുന്നു.


ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story

BIG BREAKING: മറൈൻഡ്രൈവിൽ അബാദ്, ഡിഡി, പുർവ, പ്രെസ്‌റ്റീജ്... തേവരയിൽ ചക്കൊളാസ്, മേത്തർ, സ്‌കൈലൈൻ... KCZMAയുടെ ഒഴിപ്പിക്കൽ ഭീഷണിയിൽ കൊച്ചിയിലെ കൂടുതൽ ഫ്ലാറ്റുകൾ; മരട് ഫ്ലാറ്റ് കേസ് വിധി സംസ്ഥാനത്ത് റിയാൽറ്റി മേഖലയുടെ അടിവേരിളക്കുമെന്ന ഭീതി ശക്തം
ചികിത്സാരീതികൾ മെച്ചപ്പെട്ടു, ബോധവൽക്കരണ പ്രവർത്തനങ്ങൾ കൂടി; രാജ്യത്ത് കാൻസർ രോഗികളുടെ എണ്ണത്തിൽ പ്രതിവർഷമുണ്ടാകുന്ന വളർച്ച രണ്ടക്കത്തിൽത്തന്നെ, കാൻസറിനെതിരെ ഇൻഷുറൻസ് പ്രതിരോധം സ്വീകരിക്കുന്നവർ കുറവെന്നും റിപ്പോർട്ട്
വിനോദ സഞ്ചാര മേഖലക്ക് പ്രതീക്ഷ നല്‍കി ക്രൂയിസ് ടൂറിസം; കേരളത്തിലേക്ക് ഈ സീസണില്‍ എത്തിയത് 26 ആഡംബര കപ്പലുകളും 35000ല്‍ ഏറെ സ‌ഞ്ചാരികളും, കൊച്ചിന്‍ പോര്‍ട്ട് ട്രസ്റ്റിന് ലഭിച്ചത് മൂന്ന് കോടിയോളം രൂപ