ECONOMY

ജിഎസ്ടി കൗൺസിൽ ഈ മാസം യോഗം ചേർന്നേക്കും

Newage News

11 Jul 2020

ദില്ലി: ചരക്ക് സേവന നികുതി (ജിഎസ്ടി) നഷ്ടപരിഹാര കാലയളവ് 2022 ന് ശേഷം അഞ്ച് വർഷം കൂടി നീട്ടാൻ സംസ്ഥാനങ്ങൾ കേന്ദ്രത്തോട് ആവശ്യപ്പെടാൻ സാധ്യത. സാമ്പത്തിക പ്രവർത്തനങ്ങളിലെ തടസ്സങ്ങളെ തുടർന്ന് വരുമാനത്തിലുണ്ടായ കനത്ത കുറവാണ് ഇതിന് കാരണം.

അപര്യാപ്തമായ സെസ് പിരിവുകൾക്കിടയിലും ഇതര നഷ്ടപരിഹാര സംവിധാനങ്ങൾ ചർച്ച ചെയ്യാൻ ജിഎസ്ടി കൗൺസിൽ ഈ മാസം യോഗം ചേരുമെന്നാണ് സർക്കാർ വൃത്തങ്ങൾ നൽകുന്ന സൂചന. കാലാവധി ദീർഘിപ്പിക്കുന്നതുമായി ബന്ധപ്പെട്ട് ചില സംസ്ഥാനങ്ങൾ 15-ാമത് ധനകാര്യ കമ്മീഷന് കത്തെഴുതാൻ ആലോചിക്കുന്നതായി ദേശീയ മാധ്യമ റിപ്പോർട്ടുകളുണ്ട്.  നഷ്ടപരിഹാരത്തിന്റെ അഭാവത്തിൽ 2022 ന് ശേഷം പതിവ് ചെലവുകൾ നേരിടുന്നതിലെ വെല്ലുവിളി സംസ്ഥാനങ്ങൾ ജിഎസ്ടി കൗൺസിൽ യോഗത്തിൽ ചൂണ്ടിക്കാണിക്കാൻ സാധ്യതയുണ്ട്. കേന്ദ്ര സ്പോൺസേർഡ് സ്കീമുകൾ (സി‌എസ്‌എസ്), റവന്യൂ കമ്മി ഗ്രാന്റുകൾ എന്നിവയുടെ വിഹിതം കുറയ്ക്കുന്നതിൽ നിന്ന് സംസ്ഥാനങ്ങൾ കേന്ദ്രത്തെ നിരുത്സാഹപ്പെടുത്താനും സാധ്യതയുളളതായി പ്രമുഖ ദേശീയ മാധ്യമമായ ബിസിനസ് സ്റ്റാൻഡേർഡ് റിപ്പോർട്ട് ചെയ്യുന്നു.

കൂടാതെ, നിരുപാധികമായ വായ്പയെടുക്കൽ പരിധി വർദ്ധിപ്പിക്കാൻ അവർ അഭ്യർത്ഥിച്ചേക്കാം. മൊത്ത സംസ്ഥാന ആഭ്യന്തര ഉൽപാദനത്തിന്റെ (ജിഎസ്ഡിപി) 3.5 ശതമാനം ധനക്കമ്മി എത്തുന്നതുവരെ ഒരു സംസ്ഥാനത്തിന് അത്തരം വായ്പകൾ എടുക്കാൻ കഴിയും. വായ്പയെടുക്കൽ പരിധി ഇനിയും ഉയർത്തണമെന്ന് സംസ്ഥാനങ്ങൾ വാദിക്കാനും സാധ്യതയേറെയാണ്.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story

BIG BREAKING: മറൈൻഡ്രൈവിൽ അബാദ്, ഡിഡി, പുർവ, പ്രെസ്‌റ്റീജ്... തേവരയിൽ ചക്കൊളാസ്, മേത്തർ, സ്‌കൈലൈൻ... KCZMAയുടെ ഒഴിപ്പിക്കൽ ഭീഷണിയിൽ കൊച്ചിയിലെ കൂടുതൽ ഫ്ലാറ്റുകൾ; മരട് ഫ്ലാറ്റ് കേസ് വിധി സംസ്ഥാനത്ത് റിയാൽറ്റി മേഖലയുടെ അടിവേരിളക്കുമെന്ന ഭീതി ശക്തം
ചികിത്സാരീതികൾ മെച്ചപ്പെട്ടു, ബോധവൽക്കരണ പ്രവർത്തനങ്ങൾ കൂടി; രാജ്യത്ത് കാൻസർ രോഗികളുടെ എണ്ണത്തിൽ പ്രതിവർഷമുണ്ടാകുന്ന വളർച്ച രണ്ടക്കത്തിൽത്തന്നെ, കാൻസറിനെതിരെ ഇൻഷുറൻസ് പ്രതിരോധം സ്വീകരിക്കുന്നവർ കുറവെന്നും റിപ്പോർട്ട്
വിനോദ സഞ്ചാര മേഖലക്ക് പ്രതീക്ഷ നല്‍കി ക്രൂയിസ് ടൂറിസം; കേരളത്തിലേക്ക് ഈ സീസണില്‍ എത്തിയത് 26 ആഡംബര കപ്പലുകളും 35000ല്‍ ഏറെ സ‌ഞ്ചാരികളും, കൊച്ചിന്‍ പോര്‍ട്ട് ട്രസ്റ്റിന് ലഭിച്ചത് മൂന്ന് കോടിയോളം രൂപ