ENTERTAINMENT

ഇന്ത്യന്‍ വ്യോമസേനയ്ക്ക് അഭിവാദ്യമര്‍പ്പിച്ച് 'ഗുന്‍ജന്‍ സക്സേന' ഒഫിഷ്യല്‍ ട്രെയിലറുമായി നെറ്റ്ഫ്ളിക്സ്

Newage News

01 Aug 2020

ജാന്‍വി കപൂര്‍ ടൈറ്റില്‍ കഥാപാത്രത്തെ അവതരിപ്പിക്കുന്ന നെറ്റ്ഫ്ളിക്സ് ഒറിജിനല്‍ ചിത്രം 'ഗുന്‍ജന്‍ സക്സേന: ദി കാര്‍ഗില്‍ ഗേളി'ന്‍റെ ട്രെയിലര്‍ പുറത്തെത്തി. യുദ്ധമുഖത്ത് ഇന്ത്യയുടെ ആദ്യ വനിതാ പൈലറ്റ് ആയിരുന്ന ഫ്ലൈറ്റ് ലഫ്റ്റനന്‍റ് ഗുന്‍ജന്‍ സക്സേനയുടെ ജീവിതം പറയുന്ന ചിത്രം സംവിധാനം ചെയ്തിരിക്കുന്നത് ശരണ്‍ ശര്‍മ്മയാണ്. അംഗദ് ബേദി, വിനീത് കുമാര്‍, മാനവ് വിജ്, അയേഷ റാസ തുടങ്ങിയവരും കഥാപാത്രങ്ങളായി എത്തുന്നു.

പൈലറ്റ് ആവണമെന്ന് കൗമാരകാലം മുതലേ ആഗ്രഹം കൊണ്ടുനടക്കുന്ന പെണ്‍കുട്ടിയെയും ഇന്ത്യയില്‍ (അക്കാലത്ത്) പുരുഷന്മാര്‍ മാത്രം പ്രവര്‍ത്തിച്ചിരുന്ന മേഖലയിലേക്ക് ആദ്യമായെത്തുന്നതിന്‍റെ പ്രതിസന്ധികള്‍ നേരിടുന്ന വനിതാ പൈലറ്റിനെയും ട്രെയിലറില്‍ കാണാം. ധഡക് എന്ന ചിത്രത്തിലൂടെ 2018ല്‍ സിനിമാ അരങ്ങേറ്റം കുറിച്ച ജാന്‍വി കപൂറിന്‍റെ ആദ്യ പ്രധാന വേഷമാണിത്. സ്വാതന്ത്ര്യദിനത്തിനു മുന്നോടിയായി ഈ മാസം 12ന് നെറ്റ്ഫ്ളിക്സില്‍ സ്ട്രീമിംഗ് ആരംഭിക്കും. 


ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story