TECHNOLOGY

വീഡിയോ ഒ.ടി.ടി വിപണി 93,200 കോടിയിലേക്ക്

Renjith George

20 Jul 2021

ന്യൂഡൽഹി: ഇന്ത്യയുടെ വീഡിയോ ഒ.ടി.ടി (ഓവർ ദ ടോപ്പ്) വിപണിയുടെ മൂല്യം 2030 ഓടെ 1,250 കോടി ഡോളറിൽ (ഏകദേശം 93,200 കോടി രൂപ) എത്തുമെന്ന് ട്രാൻസാക്‌ഷൻ അഡ്വൈസറി സ്ഥാപനമായ ആർ.ബി.എസ്.എ അഡ്വൈസേഴ്‌സിന്റെ റിപ്പോർട്ട്. നിലവിൽ മൂല്യം 150 കോടി ഡോളറാണ് (11,200 കോടി രൂപ). ഇന്റർനെറ്റിലൂടെ വീഡിയോ ലഭ്യമാക്കുന്ന സംവിധാനമായ ഒ.ടി.ടിയിൽ പ്രാദേശിക ഭാഷാ ഉള്ളക്കടക്കങ്ങളുടെ സ്വാധീനം ഇന്ത്യൻ ഏറുകയാണ്. രണ്ടാംനിര, മൂന്നാംനിര, നാലാംനിര നഗരങ്ങൾ, ഗ്രാമങ്ങൾ എന്നിവിടങ്ങളിലായിരിക്കും വീഡിയോ ഒ.ടി.ടി ഇനി കൂടുതൽ വളർച്ച നേടുക. 400 കോടി ഡോളറാണ് (30,000 കോടി രൂപ) 2025ൽ പ്രതീക്ഷിക്കുന്ന മൂല്യം.

മികച്ച നെറ്റ്‌വർക്കിലേക്കുള്ള പ്രവേശനം, ഉയർന്ന ഡിജിറ്റൽ കണക്‌ടിവിറ്റി, സ്മാർട്ട്‌ഫോണുകളുടെ വ്യാപനം എന്നിവ ഒ.ടി.ടിക്ക് ഗുണം ചെയ്യും. ഡിസ്‌നി പ്ളസ്, ഹോട്ട്‌ സ്‌റ്റാ‌ർ, ആമസോൺ പ്രൈം വീഡിയോ, നെറ്റ്‌ഫ്ളിക്‌സ് എന്നീ ഒ.ടി.ടി കമ്പനികൾ വിഹരിച്ചിരുന്ന വിപണിയിൽ സോണി ലൈവ്, വൂട്ട്, സീ5, ഇറോസ് നൗ, അഡ്ഡാ ടൈംസ് തുടങ്ങിയ ഇന്ത്യൻ കമ്പനികൾ വന്നതും കരുത്തായി. ഓഡിയോ ഒ.ടി.ടി വിപണിമൂല്യം നിലവിലെ 60 കോടി ഡോളറിൽ (4,500 കോടി രൂപ) 2025ൽ 110 കോടി ഡോളറും (8,200 കോടി രൂപ) 2030ൽ 250 കോടി ഡോളറും (18,600 കോടി രൂപ) ആയി ഉയരുമെന്നും റിപ്പോർട്ടിലുണ്ട്. ഗാന, സ്‌പോട്ടിഫൈ, വിൻക് മ്യൂസിക്, ജിയോ സാവൻ എന്നിവയാണ് ഈ രംഗത്തെ പ്രമുഖർ.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story

കേരളത്തിലെ ഭവന നിർമ്മാണ മേഖലയിൽ പുത്തൻ തരംഗമായി ജിഎഫ്ആർജി വീടുകൾ, ചെലവിലെ ലാഭവും നിർമ്മാണത്തിലെ മിന്നൽവേഗവും ഉപഭോക്താക്കൾക്ക് നേട്ടമാകുന്നു, പ്രളയം മലയാളിയുടെ പരമ്പരാഗത നിർമ്മാണ സങ്കൽപ്പങ്ങളെ മാറ്റിമറിക്കുന്നത് ഇങ്ങനെ