ECONOMY

ക്രൂഡോയിൽ ഉത്‌പാദനം പ്രതിദിനം അഞ്ചുലക്ഷം ബാരൽ വീതം വർദ്ധിപ്പിക്കാൻ ഒപെക് തീരുമാനം

Newage News

05 Dec 2020

ദുബായ്: ജനുവരി മുതൽ മാർച്ചുവരെ ക്രൂഡോയിൽ ഉത്‌പാദനം പ്രതിദിനം അഞ്ചുലക്ഷം ബാരൽ വീതം വർദ്ധിപ്പിക്കാൻ സൗദി അറേബ്യയുടെ നേതൃത്വത്തിലുള്ള ഒപെക് കൂട്ടായ്മയും ഒപെക്കിൽ അംഗമല്ലാത്ത ഉത്‌പാദക രാജ്യമായ റഷ്യയും തമ്മിലെ ചർച്ചയിൽ ധാരണ.

ഒപെക് ഇതര രാജ്യങ്ങളും ഒപെക്കും തമ്മിൽ ഇന്നലെ നടന്ന ചർച്ചയിൽ തർക്കം രൂക്ഷമായ പശ്‌ചാത്തലത്തിൽ ഒത്തുതീർപ്പെന്നോണമാണ് ജനുവരി മുതൽ ഉത്‌പാദനം കൂട്ടാൻ തീരുമാനിച്ചത്. നിലവിൽ പ്രതിദിനം 77 ലക്ഷം ബാരൽ വീതം ഉത്‌പാദനം വെട്ടിക്കുറയ്ക്കുന്നുണ്ട് ഒപെക്കും റഷ്യയും. ഇതിൽ, പ്രതിദിനം 20 ലക്ഷം ബാരൽ വീതം ഉത്‌പാദനം വർദ്ധിപ്പിക്കണമെന്നാണ് ഒപെക് ഇതര രാഷ്‌ട്രങ്ങൾ അഥവാ 'ഒപെക് പ്ളസ്" ആവശ്യപ്പെട്ടത്.

അതായത്, ഉത്‌പാദനക്കുറവ് 57 ലക്ഷം ബാരലിൽ നിജപ്പെടുത്തണം. എന്നാൽ, നിലവിലെ സ്ഥിതി തുടരണമെന്നായിരുന്നു സൗദിയുടെ വാദം. കൊവിഡിൽ നഷ്‌ടപ്പെട്ട ഡിമാൻഡ് തിരിച്ചുകയറിയിട്ടില്ലെന്നും ഈ സാഹചര്യത്തിൽ ഉത്‌പാദനം കൂട്ടരുതെന്നും സൗദി വാദിച്ചു. തർക്കം രൂക്ഷമായതോടെ ആയിരുന്നു ഒത്തുതീർപ്പ് തീരുമാനം.

ഫലത്തിൽ, ജനുവരി മുതൽ ഉത്‌പാദനക്കുറവ് പ്രതിദിനം 72 ലക്ഷം ബാരലായിരിക്കും. ഉത്‌പാദനം കൂട്ടാനുള്ള തീരുമാനം നടപ്പായാൽ രാജ്യാന്തര ക്രൂഡ് വില കുറയും. അത് ഇന്ത്യയിലും പ്രതിഫലിക്കുമെന്നതിനാൽ പെട്രോൾ, ഡീസൽ വിലയിൽ നേരിയ കുറവിന് വരും മാസങ്ങളിൽ സാദ്ധ്യതയുണ്ട്.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story

BIG BREAKING: മറൈൻഡ്രൈവിൽ അബാദ്, ഡിഡി, പുർവ, പ്രെസ്‌റ്റീജ്... തേവരയിൽ ചക്കൊളാസ്, മേത്തർ, സ്‌കൈലൈൻ... KCZMAയുടെ ഒഴിപ്പിക്കൽ ഭീഷണിയിൽ കൊച്ചിയിലെ കൂടുതൽ ഫ്ലാറ്റുകൾ; മരട് ഫ്ലാറ്റ് കേസ് വിധി സംസ്ഥാനത്ത് റിയാൽറ്റി മേഖലയുടെ അടിവേരിളക്കുമെന്ന ഭീതി ശക്തം
ചികിത്സാരീതികൾ മെച്ചപ്പെട്ടു, ബോധവൽക്കരണ പ്രവർത്തനങ്ങൾ കൂടി; രാജ്യത്ത് കാൻസർ രോഗികളുടെ എണ്ണത്തിൽ പ്രതിവർഷമുണ്ടാകുന്ന വളർച്ച രണ്ടക്കത്തിൽത്തന്നെ, കാൻസറിനെതിരെ ഇൻഷുറൻസ് പ്രതിരോധം സ്വീകരിക്കുന്നവർ കുറവെന്നും റിപ്പോർട്ട്
വിനോദ സഞ്ചാര മേഖലക്ക് പ്രതീക്ഷ നല്‍കി ക്രൂയിസ് ടൂറിസം; കേരളത്തിലേക്ക് ഈ സീസണില്‍ എത്തിയത് 26 ആഡംബര കപ്പലുകളും 35000ല്‍ ഏറെ സ‌ഞ്ചാരികളും, കൊച്ചിന്‍ പോര്‍ട്ട് ട്രസ്റ്റിന് ലഭിച്ചത് മൂന്ന് കോടിയോളം രൂപ