AUTO

മികച്ച പ്രകടനവുമായി രാജ്യത്തെ ആഭ്യന്തര കാർ വിപണി; ഇരുചക്ര, മുച്ചക്ര വാഹനങ്ങളുടെ വില്‍പ്പന കുത്തനെ ഇടിഞ്ഞതായും റിപ്പോർട്ട്

Newage News

10 Apr 2021

രാജ്യത്തെ ആഭ്യന്തര കാർ വിപണി മികച്ച പ്രകടനവുമായി കുതിക്കുന്നു. അതസമയം ഇരുചക്ര വാഹനങ്ങളുടെയും മുച്ചക്ര വാഹനങ്ങളുടെയും വില്‍പ്പന കുത്തനെ ഇടിഞ്ഞതായിട്ടുമാണ് റിപ്പോര്‍ട്ടുകള്‍. 

പാസ‍ഞ്ചർ വാഹന കാർ വില്‍പ്പന 2021 മാർച്ചിൽ 28.39 ശതമാനം വർദ്ധിച്ചു. വാഹന ഡീലർമാരുടെ സംഘടനയായ ഫെഡറേഷൻ ഒഫ് ഓട്ടോമൊബൈൽ ഡീലേഴ്‌സ് അസോസിയേഷൻ (ഫാഡ)യുടെ കണക്കുകളാണ് ഇക്കാര്യം വ്യക്തമാക്കുന്നതെന്ന്  ദ ഹിന്ദു റിപ്പോര്‍ട്ട് ചെയ്യുന്നു. 

2020 മാർച്ചിലെ പാസഞ്ചര്‍ വാഹന വില്‍പ്പന 2.17 ലക്ഷം യൂണിറ്റുകളായിരുന്നു. എന്നാല്‍ 2021 മാര്‍ച്ചില്‍ ഇത് 2.79 ലക്ഷം യൂണായി ഉയര്‍ന്നു എന്ന് കണക്കുകള്‍ പറയുന്നു. ട്രാക്‌ടറുകളാണ് 2021 മാർച്ചിൽ നേട്ടം കുറിച്ച മറ്റൊരു വിഭാഗം. 53,463 യൂണിറ്റുകളിൽ നിന്ന് 69,082 യൂണിറ്റുകളായാണ് വില്‍പ്പന ഉയര്‍ന്നത്. 29.21 ശതമാനമാണ് വളർച്ച. 

അതേസമയം ടൂവീലർ, ത്രീവീലർ, വാണിജ്യ വാഹനം എന്നിവ കുറിച്ച കനത്ത നഷ്‌ടം മൂലം മാർച്ചിലെ മൊത്തം വാഹന വില്പന 28.64 ശതമാനം ഇടിഞ്ഞതായും കണക്കുകള്‍ പറയുന്നു. 18.46 ലക്ഷം യൂണിറ്റുകളിൽ നിന്ന് 35.26 ശതമാനം ഇടിവുമായി 11.95 ലക്ഷം ടൂവീലറുകളാണ് കഴിഞ്ഞമാസം പുതുതായി നിരത്തിലെത്തിയത്. ത്രീവീലർ വില്പനയില്‍ 50.72 ശതമാനമാണ് ഇടിവ്. 2020 മാർച്ചിൽ വില്‍പ്പന 77,173 ത്രീവീലറുകള്‍ വിറ്റ സ്ഥാനത്ത് 38,034 ത്രീവീലറുകളാണ് 2021 മാർച്ചിലെ വില്‍പ്പന. 

വാണിജ്യ വാഹന വില്‍പ്പനയും ഇടിഞ്ഞു. 1.16 ലക്ഷം യൂണിറ്റുകളിൽ നിന്നു 67,372ലേക്കാണ് വാണിജ്യ വാഹന വില്‍പ്പന ഇടിവ്. 42.20 ശതമാനം നഷ്‌ടം. മാർച്ചിൽ എല്ലാ വിഭാഗം ശ്രേണികളിലുമായി ആകെ വിറ്റഴിഞ്ഞത് 16.49 ലക്ഷം വാഹനങ്ങളാണ്. 2020 മാർച്ചിലെ 23.11 ലക്ഷം യൂണിറ്റുകളേക്കാൾ 28.64 ശതമാനം കുറവ്. 

ആന്ധ്രാപ്രദേശ്, തെലങ്കാന, മദ്ധ്യപ്രദേശ്, ലക്ഷദ്വീപ് എന്നിവിടങ്ങളിൽ നിന്നൊഴികെയുള്ള രാജ്യത്തെ 1,277 ആർ.ടി.ഒ ഓഫീസുകളിൽ നിന്ന് ശേഖരിച്ച രജിസ്‌ട്രേഷൻ കണക്കുകൾപ്രകാരമാണ് ഫാഡ റിപ്പോർട്ട് തയ്യാറാക്കിയത്.

ഇന്ത്യയിലെ ഏറ്റവും സ്വീകാര്യതയുള്ള വാഹന ബ്രാൻഡെന്ന സ്ഥാനം മാരുതി സുസുക്കി തുടരുകയാണ്. 46.26 ശതമാനമാണ് മാരുതിയുടെ വിപണി വിഹിതം. 16.34 ശതമാനവുമായി ഹ്യുണ്ടായി, 8.77 ശതമാനവുമായി ടാറ്റാ മോട്ടോഴ്‌സ്, 5.48 ശതമാനവുമായി മഹീന്ദ്ര, 5.45 ശതമാനവുമായി കിയ മോട്ടോഴ്‌സ് തുടങ്ങിയവരാണ് മറ്റ് സ്ഥാനങ്ങളില്‍. 

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story