ECONOMY

കേന്ദ്ര ബജറ്റിനു മുന്നോടിയായി തിരക്കിട്ട കൂടിക്കാഴ്ചകളുമായി ധനമന്ത്രി; സാമ്പത്തീക മേഖലയിലെ വെല്ലുവിളികള്‍ നേരിടുവാൻ ശക്തമായ നടപടികൾ ഉണ്ടായേക്കും

12 Jun 2019

ന്യൂഏജ് ന്യൂസ്, ദില്ലി: കേന്ദ്ര ബജറ്റിന്‍റെ ഭാഗമായ കൂടിക്കാഴ്ചകള്‍ക്ക് ധനമന്ത്രി തുടക്കമിട്ടു. ജൂണ്‍ 11 മുതല്‍ 23 വരെയാണ് കൂടിക്കാഴ്ചകള്‍ തീരുമാനിച്ചിരിക്കുന്നത്. ഈ കാലയളവില്‍ സാമ്പത്തിക വിദഗ്ധരുമായും ബാങ്കുകള്‍, ധനകാര്യ സ്ഥാപനങ്ങള്‍ തുടങ്ങിയവയുടെ പ്രതിനിധികളുമായും ധന -കമ്പനികാര്യ മന്ത്രി നിര്‍മല സീതാരാമന്‍ കൂടിക്കാഴ്ച നടത്തും. 

എല്ലാ സംസ്ഥാന ധനമന്ത്രിമാരും കേന്ദ്ര ബജറ്റിനെ സംബന്ധിച്ച അഭിപ്രായങ്ങള്‍ സമര്‍പ്പിക്കുമെന്നാണ് ധനമന്ത്രാലയത്തിന്‍റെ പ്രതീക്ഷ. ജൂണ്‍ 20 ന് നടക്കുന്ന ജിഎസ്ടി കൗണ്‍സില്‍ യോഗത്തിന്‍റെ ഭാഗമായി ധനമന്ത്രിമാര്‍ ഒത്തുകൂടുമ്പോള്‍ ബജറ്റിന് വേണ്ടിയുളള അഭിപ്രായ രൂപീകരണം നടക്കുമെന്നാണ് കരുതുന്നത്. 

ജെഎന്‍യു പൂര്‍വ്വ വിദ്യാര്‍ത്ഥിയും 59 കാരിയുമായ നിര്‍മല സീതാരാമന്‍ രണ്ടാം എന്‍ഡിഎ സര്‍ക്കാരിന്‍റെ ആദ്യ ബജറ്റ് അവതരിപ്പിക്കുമ്പോള്‍ മുന്നിലുളള വെല്ലുവിളികള്‍ ഏറെയാണ്. രാജ്യത്തിന്‍റെ വളര്‍ച്ച നിരക്ക് കുറഞ്ഞ് നില്‍ക്കുന്നതും, ധനക്കമ്മി നിയന്ത്രണം, ബാങ്കുകളെ പ്രതിസന്ധിയിലാക്കിയിരിക്കുന്ന നിഷ്കൃയ ആസ്തികള്‍, തൊഴില്‍ മേഖലയിലെ തളര്‍ച്ച, സ്വകാര്യ നിക്ഷേപം, രാജ്യം നേരിടുന്ന വ്യാപാര പ്രതിസന്ധികള്‍, കാര്‍ഷിക പ്രതിസന്ധികള്‍, പൊതു മേഖല സ്ഥാപനങ്ങളുടെ ഓഹരി വില്‍പ്പന, ബാങ്കിങ് ഇതര ധനകാര്യ മേഖല നേരിടുന്ന പ്രതിസന്ധികള്‍ തുടങ്ങിയാണ് നിര്‍മല സീതാരാമന്‍റെ മുന്നിലെ വെല്ലുവിളികള്‍. 



Related News


Special Story

ചികിത്സാരീതികൾ മെച്ചപ്പെട്ടു, ബോധവൽക്കരണ പ്രവർത്തനങ്ങൾ കൂടി; രാജ്യത്ത് കാൻസർ രോഗികളുടെ എണ്ണത്തിൽ പ്രതിവർഷമുണ്ടാകുന്ന വളർച്ച രണ്ടക്കത്തിൽത്തന്നെ, കാൻസറിനെതിരെ ഇൻഷുറൻസ് പ്രതിരോധം സ്വീകരിക്കുന്നവർ കുറവെന്നും റിപ്പോർട്ട്
വിനോദ സഞ്ചാര മേഖലക്ക് പ്രതീക്ഷ നല്‍കി ക്രൂയിസ് ടൂറിസം; കേരളത്തിലേക്ക് ഈ സീസണില്‍ എത്തിയത് 26 ആഡംബര കപ്പലുകളും 35000ല്‍ ഏറെ സ‌ഞ്ചാരികളും, കൊച്ചിന്‍ പോര്‍ട്ട് ട്രസ്റ്റിന് ലഭിച്ചത് മൂന്ന് കോടിയോളം രൂപ