CORPORATE

അനില് അംബാനിക്ക് ആശ്വാസം: എസ്ബിഐയുടെ ഹര്ജി സുപ്രീം കോടതി തള്ളി

Newage News

18 Sep 2020

റിലയന്സ് കമ്യൂണിക്കേഷന്സ് ചെയര്മാന് അനില് അംബാനിക്കെതിരായ പാപ്പരത്ത നടപടികള്ക്ക് ഡല്ഹി ഹൈക്കോടതി അനുവദിച്ച സ്റ്റേ നീക്കാന് എസ്ബിഐ സുപ്രീം കോടതിയില് നല്കിയ ഹര്ജി തള്ളി.

അനില് അംബാനിക്കെതിരായ നടപടികള് നിര്ത്തിവെയ്ക്കാന് ഓഗസ്റ്റ് അവസാനമാണ് ഡല്ഹി ഹൈക്കോടതി ഉത്തരവിട്ടത്. അംബാനിയുടെ രണ്ട് കമ്പനികള് എസ്ബിഐയില്നിന്നെടുത്ത 1,200 കോടി രൂപയുടെ വായ്പ തിരിച്ചുപിടിക്കുന്നതുമായി ബന്ധപ്പെട്ടായിരുന്നു ഇത്.

ഒക്ടോബര് ആറിന് ഹര്ജി പരിഗണിക്കാന് സുപ്രീം കോടതി ഡല്ഹി ഹൈക്കോടതിക്ക് നിര്ദേശം നല്കിയിട്ടുണ്ട്. ആവശ്യമെങ്കില് എസ്ബിഐയ്ക്ക് ഹര്ജിയില് മാറ്റംവരുത്താമെന്നും കോടതി വ്യക്തമാക്കി.

ആര്കോമിനും റിലയന്സ് ഇന്ഫ്രടെലിനും അനുവദിച്ച വായ്പകള്ക്ക് 2016ല് അനില് അംബാനി വ്യക്തിഗത ഗ്യാരണ്ടിനല്കിയിരുന്നു. 1,000 കോടിയോ അതിലധികമോ വായ്പകള്ക്ക് പ്രൊമോട്ടര്മാര് വ്യക്തിഗത ഗ്യാരണ്ടി നല്കുന്നതിനെതിരായ പുതിയ നിയമങ്ങള് ബാധകമായതിനാലാണ് ഡല്ഹി ഹൈക്കോടതിയുടെ ഉത്തരവുവന്നത്.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story