CORPORATE

എയർ ഇന്ത്യയെ ലോകോത്തര വിമാന കമ്പനിയാക്കുമെന്ന് ടാറ്റ

Abilaash

09 Oct 2021

ന്യൂഡൽഹി: ഓരോ ഇന്ത്യക്കാരനും അഭിമാനിക്കാവുന്ന രീതിയിൽ എയർ ഇന്ത്യയെ ലോകോത്ത വിമാന കമ്പനിയാക്കുമെന്ന് ടാറ്റ സൺസ് ചെയർമാൻ എൻ.ചന്ദ്രശേഖരൻ. എയർ ഇന്ത്യ ടാറ്റക്ക് കൈമാറുമെന്ന കേന്ദ്രസർക്കാറിന്‍റെ പ്രഖ്യാപനം പുറത്ത് വന്നതിന് പിന്നാലെയാണ് അദ്ദേഹത്തിന്‍റെ പ്രതികരണം. എയർ ഇന്ത്യയുടെ ഉടമസ്ഥാവകാശം ടാറ്റക്ക് ലഭിച്ചുവെന്ന് അഭിമാനത്തോടെ പറയുകയാണെന്നും അദ്ദേഹം വ്യക്തമാക്കി.

ഇത് ചരിത്രമുഹൂർത്തമാണ്. രാജ്യത്തിന്‍റെ ഔദ്യോഗിക എയർലൈൻ സ്വന്തമാക്കാൻ കഴിഞ്ഞതിൽ അഭിമാനമുണ്ട്. ഈയൊരു അവസരത്തിൽ ഇന്ത്യൻ വ്യോമയാനമേഖലയുടെ അതികായനായ ജെ.ആർ.ഡി ടാറ്റക്ക് ആദരമർപ്പിക്കുകയാണെന്നും എൻ.ചന്ദ്രശേഖരൻ പറഞ്ഞു.

68 വർഷത്തിന് ശേഷമാണ് എയർ ഇന്ത്യ വീണ്ടും ടാറ്റയുടെ കൈകളിലേക്ക് എത്തുന്നത്. 1932ൽ ടാറ്റ ഗ്രൂപ്പ് തുടങ്ങിയ ടാറ്റ എയർലൈൻസാണ് പിന്നീട് ദേശസാൽക്കരണം നടന്നപ്പോൾ എയർ ഇന്ത്യയായി പരിണമിച്ചത്.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story