AUTO

ടാറ്റ നെക്‌സോൺ ഇവിയുടെ XZ +, XZ + LUX വേരിയന്റുകളുടെ വില വർധിപ്പിച്ചു

Newage News

15 Oct 2020

നെക്സോൺ ഇവിയുടെ വേരിയന്റുകൾക്ക് ടാറ്റ വില വർധിപ്പിച്ചു. നെക്‌സോൺ ഇവിയുടെ XZ +, XZ + LUX വേരിയന്റുകൾക്ക് 26,000 രൂപ വരെയാണ് ടാറ്റ വില വർധിപ്പിച്ചിരിക്കുന്നത്. ഇന്ത്യൻ വിപണിയിൽ നിലവിലെ ഏറ്റവും താങ്ങാനാവുന്ന ഇലക്ട്രിക് കാറാണ് നെക്സോൺ ഇവി. പുതിയ ഗ്രില്ല്, നീല ഇൻസേർട്ടുകൾ ഉപയോഗിച്ച് പുനർരൂപകൽപ്പന ചെയ്ത ബമ്പർ, എൽഇഡി ഡേടൈം റണ്ണിംഗ് ലൈറ്റുകളുള്ള പുതിയ ട്വിൻ-പോഡ് ഹെഡ്‌ലാമ്പുകൾ, ഫോഗ് ലാമ്പുകൾ, 16 ഇഞ്ച് ഡയമണ്ട് കട്ട് അലോയി വീലുകൾ എന്നിവയുമായാണ് എസ്‌യുവി വരുന്നത്.

നെക്‌സൺ ഇവി 30.2 കിലോവാട്ട്സ് ലിഥിയം അയൺ ബാറ്ററിയാണ് ഉപയോഗിക്കുന്നത്. ഇത് 127 bhp കരുത്തും, 245 Nm torque ഉം പുറപ്പെടുവിക്കാൻ കഴിയുന്ന ഒരു ഇലക്ട്രിക് മോട്ടോറിനെ കരുത്തുറ്റതാക്കുന്നു. റിവേർസ് ക്യാമറ, സൺറൂഫ്, റെയിൻ സെൻസിംഗ് വൈപ്പർ, ഓട്ടോമാറ്റിക് ഹെഡ്‌ലൈറ്റുകൾ എന്നിവ കാറിന് ലഭിക്കും. കൂടാതെ അകത്ത്, ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയുള്ള 7.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് യൂണിറ്റും റോട്ടറി ഡ്രൈവ് മോഡ് സെലക്ടറും നെക്‌സൺ ഇവിക്ക് ലഭിക്കുന്നു.

നെക്സോൺ ഇവിക്ക് ഡ്രൈവ്, സ്പോർട്ട് എന്നിങ്ങനെ രണ്ട് ഡ്രൈവിംഗ് മോഡുകളുണ്ട്. 9.9 സെക്കൻഡിനുള്ളിൽ 100 കിലോമീറ്റർ വേഗത കൈവരിക്കാൻ കാറിന് കഴിയുമെന്നാണ് കമ്പനി അവകാശപ്പെടുന്നത്. ഒരൊറ്റ ചാർജിൽ (MID സൈക്കിൾ) പരമാവധി 312 കിലോമീറ്റർ ശ്രേണിയാണ് ARAI- സാക്ഷ്യപ്പെടുത്തിയിരിക്കുന്നത്. ഇതിന് ഫാസ്റ്റ് ചാർജിംഗ് ശേഷിയുമുണ്ട്. നെക്‌സോൺ ഇവി XZ +, XZ + LUX വേരിയന്റുകൾക്ക് ഇപ്പോൾ യഥാക്രമം 15.25 ലക്ഷം രൂപയും, 16.25 ലക്ഷം രൂപയുമാണ് എക്സ്-ഷോറൂം വില. ബേസ് XM പതിപ്പിന്റെ വില 13.99 ലക്ഷം രൂപയായി മാറ്റമില്ലാതെ തുടരുന്നു.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story