TECHNOLOGY

വിൻഡോസ് 10ലേക്കു മാറാൻ ഉപഭോക്താക്കൾക്ക് 4 മാസം കൂടി; സുരക്ഷാപിന്തുണ നഷ്ടപ്പെടുന്നതോടെ ഹാക്കർമാർക്കു വിൻഡോസ് 7 നെറ്റ്‍വർക്കുകളിൽ കയറിക്കൂടുവാൻ സാധിച്ചേക്കും

12 Aug 2019

ന്യൂഏജ് ന്യൂസ്, ജനപ്രിയ ഓപ്പറേറ്റിങ് സിസ്റ്റമായ വിൻഡോസ് 7 കൈവിടുകയാണെന്നു മൈക്രോസോഫ്റ്റ് പ്രഖ്യാപിച്ചത് 2015ലാണ്. തുടർന്നും സെക്യൂരിറ്റി അപ്ഡേറ്റുകൾ വഴി ഓപ്പറേറ്റിങ് സിസ്റ്റത്തെ സുരക്ഷിതമായി താങ്ങി നിർത്തിയ മൈക്രസോഫ്റ്റ് ആ സുരക്ഷാകരങ്ങൾ പിൻവലിക്കാൻ ഇനി ഏതാനും മാസങ്ങൾ കൂടി. 2020 ജനുവരി 14നു ശേഷം വിൻഡോസ് 7ന് സൗജന്യ സെക്യൂരിറ്റി പാച്ചുകൾ ഉണ്ടാവില്ല. അതായത്, അതിനു ശേഷം വിൻഡോസ് 7 ഉപയോഗിക്കുന്നവർക്കുണ്ടാകുന്ന കഷ്ടനഷ്ടങ്ങൾക്കു മൈക്രോസോഫ്റ്റ് ഉത്തരവാദിയായിരിക്കില്ല. സുരക്ഷാപിന്തുണ നഷ്ടപ്പെടുന്നതോടെ ഹാക്കർമാർക്കു വിൻഡോസ് 7 നെറ്റ്‍വർക്കുകളിൽ കയറിക്കൂടാനും റാൻസംവെയർ ആക്രമണങ്ങൾ പോലുള്ളവ വ്യാപകമായി നടപ്പാക്കാനും സാധിക്കും.

ഇനിയും വലിയൊരു ശതമാനം ഉപയോക്താക്കൾ വിൻഡോസ് 7ൽ തുടരുന്നു എന്നതു വലിയ വെല്ലുവിളിയാണ്. വ്യക്തികൾക്കു പുറമേ വിൻഡോസ് 7 ഉപയോഗിക്കുന്ന സ്ഥാപനങ്ങളും ഈ തീയതിക്കുള്ളിൽ അടുത്ത പതിപ്പിലേക്കു മാറുന്നതാണ് സുരക്ഷിതം.

വിൻഡോസ് 7 ഓപ്പറേറ്റിങ് സിസ്റ്റത്തിന്റെ യഥാർഥ പതിപ്പ് ഉപയോഗിക്കുന്നവർക്ക് വിൻഡോസ് 10ലേക്ക് സൗജന്യമായി അപ്ഡേറ്റ് ചെയ്യാൻ മൈക്രോസോഫ്റ്റ് തന്നെ അവസരമൊരുക്കിയിട്ടുണ്ട്. പൈറേറ്റഡ് പതിപ്പുകൾ ഉപയോഗിക്കുന്നവർ വിൻഡോസ് 10ന്റെ യഥാർഥ പതിപ്പുകൾ വിലകൊടുത്തു വാങ്ങി അപ്ഡേറ്റ് നടത്തേണ്ടി വരും. 32 ബിറ്റ് ഒഎസിനു 1 ജിബി റാമും 64 ബിറ്റ് ഒഎസിനു 2 ജിബി റാമും കുറഞ്ഞത് 20 ജിബി എങ്കിലും ഇന്റേണൽ മെമ്മറിയുമുള്ള കംപ്യൂട്ടറുകൾക്കു വിൻഡോസ് 10ലേക്ക് അപ്ഡേറ്റ് ചെയ്യാനാകും.



Related News


Special Story

കേരളത്തിലെ ഭവന നിർമ്മാണ മേഖലയിൽ പുത്തൻ തരംഗമായി ജിഎഫ്ആർജി വീടുകൾ, ചെലവിലെ ലാഭവും നിർമ്മാണത്തിലെ മിന്നൽവേഗവും ഉപഭോക്താക്കൾക്ക് നേട്ടമാകുന്നു, പ്രളയം മലയാളിയുടെ പരമ്പരാഗത നിർമ്മാണ സങ്കൽപ്പങ്ങളെ മാറ്റിമറിക്കുന്നത് ഇങ്ങനെ
ആഗോള ഇലക്ട്രോണിക്സ് വിണിയിയിലും പ്രതിസന്ധിയുടെ ലാഞ്ചനകൾ; ഐഫോൺ വാങ്ങാനാളില്ലാതായതോടെ കോടികളുടെ നഷ്ടം നേരിട്ട് സാംസങ്, വിപണിയിൽ വൻ പ്രതിസന്ധിയെന്ന സൂചനയുമായി ടെക് ഭീമന്മാരുടെ പ്രവർത്തന റിപ്പോർട്ട്