NEWS

പുതിയ മോഡൽ സ്റ്റാൻഡിംഗ് ഓർഡറുകളുടെ കരട് പുറത്തുവിട്ട് തൊഴിൽ മന്ത്രാലയം; ആദ്യമായി സ്ഥാപനങ്ങളിൽ വർക്ക് ഫ്രം ഹോമിനെയും ഉൾപ്പെടുത്തി

Newage News

04 Jan 2021

ന്യൂഡൽഹി: കൊവിഡ് സാഹചര്യത്തിൽ സേവന, ഉൽപ്പാദന, ഖനന മേഖലഖിലലെ തൊഴിലാളികളുടെ സേവന സാഹചര്യങ്ങളുമായി ബന്ധപ്പെട്ട മോഡൽ സ്റ്റാൻഡിംഗ് ഓർഡറുകളുടെ കരട് പുറത്തുവിട്ട് തൊഴിൽ മന്ത്രാലയം. നിലവിലെ സാഹചര്യത്തിൽ മോഡൽ സ്റ്റാൻഡിംഗ് ഓർഡറുകൾ സംബന്ധിച്ച് അഭിപ്രായങ്ങളും ആരാഞ്ഞിട്ടുണ്ട്. അടുത്ത 30 ദിവസത്തിനുള്ളിൽ ജനങ്ങളിൽ നിന്ന് അഭിപ്രായങ്ങൾ തേടിയ ശേഷമായിരിക്കും ഇവയ്ക്ക് അന്തിമ രൂപം നൽകുക. സേവനമേഖലയ്ക്കുള്ള കരട് മോഡൽ സ്റ്റാൻഡിംഗ് ഓർഡറിന്റെ ഭാഗമായി കേന്ദ്ര തൊഴിൽ മന്ത്രാലയം ആദ്യമായി സ്ഥാപനങ്ങളിൽ വർക്ക് ഫ്രം ഹോമിനെയും ഉൾപ്പെടുത്തിയിരുന്നു. 300 ലധികം തൊഴിലാളികളുള്ള വ്യാവസായിക സ്ഥാപനങ്ങളിലെ ജീവനക്കാരുടെ പെരുമാറ്റച്ചട്ടങ്ങൾ വ്യക്തമാക്കുന്ന ഒരു തൊഴിൽ കരാറാണ് സ്റ്റാൻഡിംഗ് ഓർഡറുകൾ എന്നറിയപ്പെടുന്നത്. ഓരോ കമ്പനികൾക്കും സംസ്ഥാനമോ കേന്ദ്ര സർക്കാരോ അംഗീകരിച്ച ഒരു സ്റ്റാൻഡിംഗ് ഓർഡർ ഉണ്ടായിരിക്കേണ്ടത് നിർബന്ധമാണ്.   തൊഴിലുടമയും തൊഴിലാളികളും തമ്മിലുള്ള നിയമനത്തിന്റെയോ കരാറിന്റെയോ വ്യവസ്ഥകൾക്ക് വിധേയമായി, തൊഴിലുടമ നിശ്ചയിച്ചേക്കാവുന്ന അത്തരം കാലയളവുകളോ കാലയളവുകളോ തൊഴിലുടമ വീട്ടിൽ നിന്ന് ജോലി ചെയ്യാൻ തൊഴിലുടമയെ അനുവദിച്ചേക്കാമെന്നാണ് ഡ്രാഫ്റ്റിൽ പറയുന്നത്. ഒക്യുപേഷണൽ സേഫ്റ്റി, ഹെൽത്ത്, വർക്കിംഗ് കണ്ടീഷൻ കോഡ്, 2020 പ്രകാരം വരുന്ന വ്യാവസായിക സ്ഥാപനങ്ങളിൽ ജോലി ചെയ്യുന്ന എല്ലാവർക്കും ഇത് ബാധകമാണ്. 30 ദിവസത്തിനുള്ളിൽ അഭിപ്രായങ്ങളും നിർദ്ദേശങ്ങളും ക്ഷണിക്കുന്നതിന് മന്ത്രാലയം വെള്ളിയാഴ്ചയാണ് കരട് പുറത്തിറക്കിയത്. പുതിയ വ്യവസായ ബന്ധ നിയമപ്രകാരം തൊഴിൽ മന്ത്രാലയം സേവന മേഖലയ്ക്കായി സ്റ്റാൻഡിംഗ് ഓർഡറുകൾ കൊണ്ടുവരുന്നത് ഇതാദ്യമാണ്. പുതിയ ലേബർ കോഡുകൾ 2020 സെപ്റ്റംബറിൽ പാർലമെന്റ് അംഗീകരിക്കുന്നതിന് മുമ്പ്, മേഖലകളിലുടനീളം ഒരു സ്റ്റാൻഡിംഗ് ഓർഡർ ഉണ്ടായിരുന്നു. ഖനന, ഉൽ‌പാദന മേഖലകൾക്കായുള്ള കരട് മോഡൽ സ്റ്റാൻഡിംഗ് ഓർഡറും മന്ത്രാലയം വെള്ളിയാഴ്ച പ്രസിദ്ധീകരിച്ചിരുന്നു. തൊഴിലുടമ നിശ്ചയിക്കുന്ന കാലയളവിലേക്കോ നിയമ വ്യവസ്ഥയുടെ അടിസ്ഥാനത്തിലോ തൊഴിലുടമയും തൊഴിലാളിയും തമ്മിലുണ്ടാക്കിയ കരാറിന്റെ അടിസ്ഥാനത്തിൽ വർക്ക് ഫ്രം ഹോം നടപ്പിലാക്കാമെന്നും കരട് വ്യവസ്ഥയിൽ പറയുന്നു. ഈ നിയമം പ്രാബല്യത്തിൽ വരുന്നതോടെ വർക്ക് ഫ്രം ഹോം ജോലിയ്ക്ക് ഔപചാരിക സ്വഭാവം കൈവരും. ഐടി മേഖലയുടെ കാര്യത്തിൽ തൊഴിലുടമയും ജീവനക്കാരനും തമ്മിലുള്ള കരാറിലൂടെയോ അല്ലെങ്കിൽ നിയമന വ്യവസ്ഥകൾ അനുസരിച്ചോ പ്രവൃത്തി സമയം തീരുമാനിക്കാൻ സാധിക്കും.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story

"പാലാരിവട്ടം പാലത്തിൽ അഴിമതി നടന്നിട്ടില്ല, തെളിയിക്കാൻ വെല്ലുവിളിക്കുന്നു. കേരളത്തിലായിരുന്നെങ്കിൽ ചന്ദ്രയാൻ ദൗത്യത്തിലെ പിഴവിന്റെ പേരിൽ  ISRO ചെയർമാനെ അറസ്റ്റ് ചെയ്തേനെ...", തുറന്നടിച്ച് കേരള ഗവണ്മെന്റ് കോൺട്രാക്ടേഴ്‌സ് അസോസിയേഷൻ