TECHNOLOGY

ഒറ്റ ദിവസം 10 ലക്ഷം ഉൽപന്നങ്ങൾ കടകളിലൂടെ വിറ്റഴിച്ചെന്ന അവകാശവാദവുമായി ഷഓമി; സ്വന്തമാക്കിയത് റെക്കോർഡ് നേട്ടം

Newage News

17 Jan 2020

റെഡ്മി സ്മാർട്ഫോൺ നിർമാതാക്കളായ ഷഓമിയുടെ ഇന്ത്യയിലെ ബിസിനസിൽ ഏറിയ പങ്കും ഓൺലൈൻ സ്റ്റോർ വഴിയാണ്. എന്നാൽ, അടുത്ത കാലത്തായി ഓഫ്‌ലൈൻ കടകളിലൂടെ രാജ്യത്തെ വിവിധ നഗരങ്ങളിൽ സാന്നിധ്യമുറപ്പിക്കുകയാണ് കമ്പനി. കുറഞ്ഞ വിലയിൽ മികവുകളേറെയുള്ള സ്മാർട്ഫോണുകളാണു ഷഓമിയുടെ പ്രധാന ആകർഷണം. സ്മാർട് ടിവിയും സ്മാർട് ഫോണും ഉൾപ്പെടെ ഉൽപന്നങ്ങൾ വേറെയുമുണ്ട്. 

ഓൺലൈൻ വിൽപനയിൽ റെക്കോർഡുകളേറെയുള്ള ഷഓമി ഓഫ്‍ലൈൻ വിപണിയിൽ (കടകളിലൂടെ) ഒറ്റ ദിവസം 10 ലക്ഷം ഉൽപന്നങ്ങൾ വിറ്റഴിച്ചെന്ന അവകാശവാദവുമായി എത്തിയിരിക്കുകയാണ്. ജനുവരി 10നാണു രാജ്യത്തെ വിവിധ കടകളിലൂടെ 10 ലക്ഷം ഉൽപന്നങ്ങൾ വിറ്റതായി കമ്പനി അവകാശപ്പെടുന്നത്. ഫോണുകൾക്കു പുറമേ, ടിവിയും മറ്റ് ആക്സസറികളുമെല്ലാം ഉൽപന്നങ്ങളുടെ പട്ടികയിൽപെടുന്നു. ഓൺലൈനായി വിറ്റുപോയ ഉൽപന്നങ്ങൾ ഇതിനു പുറമേയാണ്.

ചാനൽ പ്ലേ നടത്തിയ പഠനമനുസരിച്ച്, ഇന്ത്യയിലെ ഏറ്റവും വലിയ എക്സ്ക്ലൂസീവ് ബ്രാൻഡ് റീട്ടെയിൽ ശൃംഖലയാണ് ഷഓമി. ഇത് സാംസങ് ഇന്ത്യയേക്കാൾ 44 ശതമാനം വലുതും ഡൊമിനോസ് ഇന്ത്യയേക്കാൾ 108 ശതമാനം വലുതുമാണ്. ഷഓമി ഇന്ത്യയിൽ 2018 ഒക്ടോബർ 29 ന് ഒരേസമയം 519 എംഐ സ്റ്റോറുകൾ ഉദ്ഘാടനം ചെയ്ത് ഗിന്നസ് റെക്കോർഡ് നേട്ടം കൈവരിച്ചിരുന്നു.

ഷഓമിയുടെ ആദ്യത്തെ എക്‌സ്‌ക്ലൂസീവ് റീട്ടെയിൽ സ്റ്റോർ തുറന്ന് 2017 മെയ് 20 നാണ്. അന്ന് 12 മണിക്കൂറിനുള്ളിൽ 5 കോടി രൂപയുടെ ഉൽപ്പന്നങ്ങളാണ് വിറ്റത്. നിലവിൽ, 2500 ൽ കൂടുതൽ എംഐ സ്റ്റോറുകൾ, 75ൽ കൂടുതൽ എംഐ ഹോം, 20 ൽ കൂടുതൽ എംഐ സ്റ്റുഡിയോകൾ, 7000 ത്തോളം തിരഞ്ഞെടുത്ത സ്റ്റോറുകളിൽ ഷഓമിയുടെ ഓഫ്‌ലൈൻ സാന്നിധ്യമുണ്ട്.

ഇവിെട േപാസ്റ്റ� െചയ്യ�ന്ന അഭി്രപായങ്ങൾ ന�ൂഏജിന്േറതല�ാ. വായനക്കാരുെട അഭി്രപായങ്ങള് വായനക്കാരുേടതു മാ്രതമാണ് . േക്രന്ദ സർക്കാരിന്െറഐടി നയ്രപകാരം വ�ക്തി, സമുദായം, മതം, രാജ�ംഎന്നിവയ്െക്കതിരായി അധിേക്ഷപങ്ങള�ംഅ�ീല പദ്രപേയാഗങ്ങള�ം നടത്തുന്നത് ശിക്ഷാർഹമായ കുറ്റമാണ് . ഇത്തരംഅഭി്രപായ ്രപകടനത്തിന് നിയമനടപടി ൈകെക്കാള്ള�ന്നതാണ്.


Related News


Special Story

കേരളത്തിലെ ഭവന നിർമ്മാണ മേഖലയിൽ പുത്തൻ തരംഗമായി ജിഎഫ്ആർജി വീടുകൾ, ചെലവിലെ ലാഭവും നിർമ്മാണത്തിലെ മിന്നൽവേഗവും ഉപഭോക്താക്കൾക്ക് നേട്ടമാകുന്നു, പ്രളയം മലയാളിയുടെ പരമ്പരാഗത നിർമ്മാണ സങ്കൽപ്പങ്ങളെ മാറ്റിമറിക്കുന്നത് ഇങ്ങനെ