മുംബൈ: യൂറോപ്പിൽ ഇന്ത്യൻ ഗവൺമെന്റ് ബോണ്ട് എക്‌സ്‌ചേഞ്ച് ട്രേഡഡ് ഫണ്ട് ലിസ്റ്റ് ചെയ്യുന്നതിനായി ആഗോള അസറ്റ് മാനേജ്‌മെന്റ് കമ്പനിയായ ഡിഡബ്ല്യുഎസുമായി കൈകോർത്ത് നിപ്പോൺ ലൈഫ് ഇന്ത്യ അസറ്റ് മാനേജ്‌മെന്റ്.
ഇന്ത്യൻ ഗവൺമെന്റ് ഇഷ്യൂ ചെയ്ത സെക്യൂരിറ്റികളുടെ വിപണി വലുപ്പം 1 ട്രില്യൺ ഡോളറാണ്. പരിമിതമായ ദ്രവ്യതയും പ്രവേശനക്ഷമതയും കാരണം ബ്ലൂംബെർഗ് ഗ്ലോബൽ-അഗ്രഗേറ്റ്, എമർജിംഗ് മാർക്കറ്റ്സ് ഗ്ലോബൽ ഡൈവേഴ്‌സിഫൈഡ് പോലുള്ള മുൻനിര സൂചികകളിൽ രൂപയുടെ മൂല്യമുള്ള സർക്കാർ ബോണ്ടുകൾ ഉൾപ്പെടുത്തിയിട്ടില്ല.
എന്നാൽ നിലവിൽ ആരംഭിച്ച ഇടിഎഫ്, ജെപി മോർഗൻ ഇന്ത്യ ഗവൺമെന്റ് ഫുള്ളി ആക്‌സസിബിൾ റൂട്ട് (FAR) ബോണ്ട് സൂചികയെ ട്രാക്ക് ചെയ്യും. ഇന്ത്യൻ ഗവൺമെന്റുമായി കൂടിയാലോചിച്ച് റിസർവ് ബാങ്ക് ഓഫ് ഇന്ത്യ സ്ഥാപിച്ച ഒരു പ്രത്യേക ചാനലാണ് എഫ്എആർ. ഇതിലൂടെ യോഗ്യരായ നിക്ഷേപകർക്ക് നിക്ഷേപ പരിധികളില്ലാതെ നിർദ്ദിഷ്‌ട സർക്കാർ സെക്യൂരിറ്റികളിൽ നിക്ഷേപിക്കാം. ഉപകരണങ്ങളിൽ എഫ്എആർ യോഗ്യതയുള്ള ഫിക്സഡ്-റേറ്റും സീറോ-കൂപ്പൺ ബോണ്ടുകളും ഉൾപ്പെടുന്നു.
നിപ്പോൺ ലൈഫ് ഇന്ത്യ അസറ്റ് മാനേജ്‌മെന്റിന്റെ പൂർണ ഉടമസ്ഥതയിലുള്ള സബ്‌സിഡിയറിയായ നിപ്പോൺ ലൈഫ് ഇന്ത്യ അസറ്റ് മാനേജ്‌മെന്റ്, ഈ സഹകരണത്തിലൂടെ യൂറോപ്പിൽ ലിസ്റ്റ് ചെയ്ത ഇന്ത്യൻ ഗവൺമെന്റ് ബോണ്ട് ഇടിഎഫിന് പോർട്ട്‌ഫോളിയോ മാനേജ്‌മെന്റും നിക്ഷേപ ഉപദേശക സേവനങ്ങളും നൽകും. അതേസമയം 833 ബില്യൺ യൂറോ ആസ്തിയുള്ള ഡിഡബ്ല്യുഎസ് ഗ്രൂപ്പ്, ജർമ്മനി, യൂറോപ്പ്, അമേരിക്ക, ഏഷ്യ എന്നിവിടങ്ങളിൽ പ്രവർത്തിക്കുന്നു.
