മുംബൈ: കടക്കെണിയിലായ റിലയൻസ് ക്യാപിറ്റലിന്റെ അനുബന്ധ സ്ഥാപനമായ റിലയൻസ് ജനറൽ ഇൻഷുറൻസ് ഏറ്റെടുക്കുന്നതിനായി ഒരു സംയുക്ത സംരംഭം രൂപീകരിക്കാൻ പിരാമൽ ഗ്രൂപ്പും സൂറിച്ചും പദ്ധതിയിടുന്നു.
ഓഗസ്റ്റിൽ റിലയൻസ് ക്യാപിറ്റലിന്റെ ജനറൽ ഇൻഷുറൻസ് ബിസിനസ്സിനായി പ്രത്യേക നോൺ-ബൈൻഡിംഗ് ബിഡുകൾ സമർപ്പിച്ച പിരാമലും സൂറിച്ചും ഏറ്റെടുക്കലിനായി ഒരു എസ്പിവി രൂപീകരിക്കുമെന്നും. അതിൽ കമ്പനികൾ 50 ശതമാനം വീതം ഓഹരികൾ കൈവശം വച്ചേക്കുമെന്നും അടുത്ത വൃത്തങ്ങൾ അറിയിച്ചു.
ഇൻസോൾവൻസി ആൻഡ് ബാങ്ക്‌റപ്‌സി കോഡ് (ഐ‌ബി‌സി) പ്രകാരമുള്ള പരിഹാര പ്രക്രിയയുടെ ഭാഗമായി റിലയൻസ് ജനറൽ ഇൻഷുറൻസ് കമ്പനിയുടെ ഓഹരി ഏറ്റെടുക്കാൻ പ്രത്യേക ഓഫർ നൽകിയിട്ടുണ്ടെന്ന് സൂറിച്ച് അറിയിച്ചു. ഏത് ഇടപാടിന്റെയും നിബന്ധനകൾ ചർച്ചകൾക്ക് വിധേയമാണെന്നും. ഒരു ഇടപാട് നടക്കുമെന്ന് ഉറപ്പ് നൽകാൻ കഴിയില്ലെന്നും കമ്പനി കൂട്ടിച്ചേർത്തു.
റിലയൻസ് ജനറൽ ഇൻഷുറൻസിന്റെ വിജയകരമായ റെസല്യൂഷൻ അപേക്ഷകനായി ഉയർന്നുവരുന്നതിൽ ഈ നിർദ്ദിഷ്ട ജെവി വിജയിച്ചാൽ, അത് ഇന്ത്യയുടെ ജനറൽ ഇൻഷുറൻസ് വിപണിയിലേക്കുള്ള സൂറിച്ച് ഇൻഷുറൻസിന്റെ പ്രവേശനത്തെ അടയാളപ്പെടുത്തും. റിലയൻസ് ജനറൽ ഇൻഷുറൻസിന്റെ നിലവിലെ മൂല്യം 9,450 കോടി രൂപയാണ്.
അതേസമയം, റിലയൻസ് ക്യാപിറ്റലിന്റെ ഒന്നിലധികം അനുബന്ധ സ്ഥാപനങ്ങൾക്കായി ബൈൻഡിംഗ് ബിഡുകൾ സമർപ്പിക്കുന്നതിനുള്ള അവസാന തീയതി ഒക്ടോബർ 30 വരെ നീട്ടി. റിലയൻസ് ക്യാപിറ്റൽ ലിമിറ്റഡ് (RCL) അതിന്റെ ഒന്നിലധികം ബിസിനസുകൾക്കായി ഇതുവരെ 14 നോൺ-ബൈൻഡിംഗ് ബിഡുകൾ സ്വീകരിച്ചിട്ടുണ്ട്.
