ഡൽഹി: മൂന്ന് ട്രാൻസ്മിഷൻ പദ്ധതികളിലായി 4,860.06 കോടി രൂപ നിക്ഷേപിക്കുക, നേപ്പാൾ ഇലക്‌ട്രിസിറ്റി അതോറിറ്റി (എൻഇഎ)യുമായി ചേർന്ന് ഒരു സംയുക്ത കമ്പനി രൂപീകരിക്കുക എന്നിവയുൾപ്പെടെയുള്ള നിർദ്ദേശങ്ങൾക്ക് ബോർഡ് അംഗീകാരം നൽകിയതായി സർക്കാർ ഉടമസ്ഥതയിലുള്ള പവർ ഗ്രിഡ് അറിയിച്ചു. നിർദ്ദേശങ്ങൾ ട്രാൻസ്മിഷൻ ഭീമന്റെ ഡയറക്ടർ ബോർഡ് കഴിഞ്ഞ ദിവസമാണ് അംഗീകാരം നൽകിയത്. ഐഎസ്ടിഎസ്ൽ നിന്ന് എടിസി വർദ്ധിപ്പിക്കുന്നതിനായി ഗുജറാത്തിലെ ട്രാൻസ്മിഷൻ നെറ്റ്‌വർക്ക് വിപുലീകരണത്തിനുള്ള 4,546.26 കോടി രൂപയുടെ നിക്ഷേപത്തിനുള്ള അംഗീകാരം കമ്പനിയുടെ ബോർഡ് നൽകിയാതായി കമ്പനി സ്റ്റോക്ക് എക്‌സ്‌ചേഞ്ചുകൾക്ക് സമർപ്പിച്ച ഫയലിംഗിൽ പറയുന്നു.
എംഎസ്ഇടിസിഎൽ നടപ്പിലാക്കുന്ന ഡൗൺസ്ട്രീം 220 കെവി ലൈനുകൾക്കൊപ്പം കമ്മീഷൻ ചെയ്യാൻ ഷെഡ്യൂൾ ചെയ്ത ₹127.61 കോടിയുടെ എസ്റ്റിമേറ്റ് ചെലവിൽ വെസ്റ്റേൺ റീജിയൻ എക്സ്പാൻഷൻ സ്കീം XXVI-ലെ നിക്ഷേപത്തിനായിരുന്നു മറ്റൊരു അംഗീകാരം. 2024 ജൂണിൽ ഇത് പൂർത്തിയാകുമെന്ന് പ്രതീക്ഷിക്കുന്നതായി പൊതുമേഖലാ സ്ഥാപനം അറിയിച്ചു. കൂടാതെ, ന്യൂ ബട്ട്വാൾ-ഗോരഖ്പൂർ 400 കെവി ഡബിൾ സർക്യൂട്ട് ക്രോസ് ബോർഡർ ട്രാൻസ്മിഷൻ ലൈനിന്റെ ഇന്ത്യൻ ഭാഗം നടപ്പിലാക്കുന്നതിനായി 50:50 ഓഹരി പങ്കാളിത്തത്തോടെ പവർ ഗ്രിഡ് കോർപ്പറേഷൻ ഓഫ് ഇന്ത്യയും എൻഇഎയും തമ്മിലുള്ള സംയുക്ത സംരംഭം സംയോജിപ്പിക്കാനുള്ള നിർദേശത്തിനും ബോർഡ് അംഗീകാരം നൽകിയതായി പവർ ഗ്രിഡ് പറഞ്ഞു.
2022 സാമ്പത്തിക വർഷത്തിൽ പവർ ഗ്രിഡിന്റെ ഏകീകൃത അറ്റാദായം 2021 സാമ്പത്തിക വർഷത്തിലെ 12,036.46 കോടിയിൽ നിന്ന് 39.78 ശതമാനം ഉയർന്ന് 16,824.07 കോടി രൂപയായിരുന്നപ്പോൾ, ഏകീകൃത മൊത്ത വരുമാനം 4.6 ശതമാനം ഉയർന്ന് 42,697.90 കോടി രൂപയായി.
