അതിവേഗ ഇന്റര്‍നെറ്റ്, വൈവിധ്യമാര്‍ന്ന വിനോദ ഓപ്ഷനുകള്‍ എന്നിവയ്ക്കായുള്ള ആഗോള ആവശ്യം നിറവേറ്റുന്നതിനുള്ള തന്ത്രപരമായ നീക്കത്തില്‍, ഇന്ത്യയിലെ ആദ്യത്തെ എഐ പവര്‍ സ്ട്രീമിംഗ് പ്ലാറ്റ്ഫോമായ ഒടിടി പ്ലേ പ്രീമിയം കേരളത്തിലെ ഏറ്റവും വലിയ മള്‍ട്ടിപ്പിള്‍ സിസ്റ്റം ഓപ്പറേറ്ററും (എംഎസ്ഒ) ഇന്ത്യയിലെ ഏറ്റവും വലിയ കണക്ഷന്‍ ബേസ് ഉള്ള ഒരു മുന്‍നിര എംഎസ്ഒയുമായ കേരള കമ്മ്യൂണിക്കേറ്റേഴ്സ് കേബിള്‍ ലിമിറ്റഡുമായി പങ്കാളിത്തം പ്രഖ്യാപിച്ചു.
വെറും 616 രൂപയ്ക്ക് വിപണിയിലെ ഏറ്റവും ചെലവ് കുറഞ്ഞതും സമഗ്രവുമായ വിനോദ ഇന്റര്‍നെറ്റ് പാക്കേജാണ് കമ്പനി ഓഫര്‍ ചെയ്യുന്നത്. 50 എംബിബിഎസ് ഇന്റര്‍നെറ്റ് കണക്ഷന്‍, 4000 ജിബി ഡാറ്റാ പരിധി, 14 പ്രീമിയം ഒടിടി പ്ലാറ്റ്ഫോമുകള്‍ എന്നിവയാണ് പ്രാരംഭ ഓഫറില്‍ ഉപഭോക്താക്കള്‍ക്ക് ലഭ്യമാവുക.
സണ്‍ എന്‍എക്‌സ്ടി, സോണി ലിവ്, സീ5, ലയണ്‍സ്ഗേറ്റ് പ്ലേ, ഡിസ്‌ട്രോ ടിവി, നമ്മ ഫ്‌ലിക്‌സ്, ആള്‍ട് ബാലാജി, പ്ലേ ഫ്‌ലിക്‌സ്, ഐസ്ട്രീം, ഫാന്‍കോഡ്, ഡോളിവൂഡ് പ്ലേ, ഷോര്‍ട് ടിവി, രാജ് തുടങ്ങിയ ജനപ്രിയ പ്ലാറ്റ്ഫോമുകള്‍ ഉള്‍ക്കൊള്ളുന്ന ഡിജിറ്റല്‍ ഉള്ളടക്കത്തിന്റെ സമൃദ്ധമായ നിരയും വരിക്കാര്‍ക്ക് ആസ്വദിക്കാനാകും.
കൊച്ചിയിലെ റാഡിസണ്‍ ബ്ലൂവില്‍ നടന്ന ലോഞ്ചിംഗ് ചടങ്ങില്‍ ഒടിടിപ്ലേയുടെ സിഇഒയും സഹസ്ഥാപകനുമായ ശ്രീ. അവിനാഷ് മുതലിയാര്‍, സിഒഎ പ്രസിഡന്റ് അബൂബെക്കര്‍ സിദ്ദിഖ്, സിഒഎ ജനറല്‍ സെക്രട്ടറി കെ വി രാജന്‍, കെ.സി.സി.എല്‍, കെ.വി.ബി.എല്‍ ചെയര്‍മാന്‍ ശ്രീ ഗോവിന്ദന്‍, കെ.സി.സി.എല്‍, കെ.വി.ബി.എല്‍ എംഡി ശ്രീ സുരേഷ് കുമാര്‍, കെ.സി.സി.എല്‍, കെ.വി.ബി.എല്‍ സിഒഒ ശ്രീ എന്‍ പദ്മകുമാര്‍, ടിസിസിഎല്‍ ചെയര്‍മാന്‍ ഷക്കീലന്‍ എന്നിവര്‍ പങ്കെടുത്തു.
‘ഒടിടി പ്ലേ പ്രീമിയമിലെ ഞങ്ങളുടെ ദൗത്യം, അത്യാധുനിക സാങ്കേതികവിദ്യയിലൂടെയും വിപുലമായ ഒരു ഉള്ളടക്ക ലൈബ്രറിയിലൂടെയും ഞങ്ങളുടെ ഉപയോക്താക്കള്‍ക്ക് സ്ട്രീമിംഗ് അനുഭവം വര്‍ദ്ധിപ്പിക്കുക എന്നതാണ്.
കെസിസിഎലുമായി സഹകരിക്കുന്നത്, ഞങ്ങളുടെ വ്യാപ്തി വര്‍ദ്ധിപ്പിക്കാനും വ്യക്തിഗത സ്ട്രീമിംഗിന്റെയും അതിവേഗ ഇന്റര്‍നെറ്റ് ആക്സസിന്റെയും ശക്തി സംയോജിപ്പിക്കുന്ന ഒരു സമഗ്ര പാക്കേജ് വാഗ്ദാനം ചെയ്യാനും ഞങ്ങളെ അനുവദിക്കുന്നു.
ഈ പങ്കാളിത്തം വ്യവസായത്തിന് പുതിയ മാനദണ്ഡങ്ങള്‍ സ്ഥാപിക്കുമെന്ന് ഞങ്ങള്‍ വിശ്വസിക്കുന്നു.’ ഒടിടിപ്ലേയുടെ സിഇഒയും സഹസ്ഥാപകനുമായ ശ്രീ. അവിനാഷ് മുതലിയാര്‍ ഈ പങ്കാളിത്തത്തെക്കുറിച്ച് ആവേശം പ്രകടിപ്പിച്ചു.
ഒടിടി പ്ലേയുമായുള്ള ബന്ധം ഓപ്പറേറ്റര്‍മാരുടെയും ഉപഭോക്താക്കളുടെയും ആവശ്യം നിറവേറ്റുന്നതിനുള്ള പൂര്‍ണ്ണമായ ഒന്നാണ് എന്ന് സിഒഎ പ്രസിഡന്റ് അബൂബെക്കര്‍ സിദ്ദിഖ് പറഞ്ഞു. ഒടിടി പ്ലേയ്ക്കൊപ്പം ഒടിടി ബന്‍ഡ്‌ലിങ് ഓഫര്‍ സമാരംഭിക്കുന്നത് ഉപഭോക്തൃ അടിത്തറ നിലനിര്‍ത്തുന്നതിനുള്ള ഒരു പുതിയ കുതിപ്പായിരിക്കുമെന്നു സിഒഎ ജനറല്‍ സെക്രട്ടറി കെ വി രാജന്‍ അഭിപ്രായപ്പെട്ടു.
ഇന്ത്യയിലെ എട്ടാമത്തെ വലിയ എഫ്ടിടിഎച് ബ്രോഡ്ബാന്‍ഡ് ദാതാവായി ബ്രോഡ്ബാന്‍ഡിലെ കെവിപിഎലിന്റെ വളര്‍ച്ചയുടെ കഥ, ഒടിടി ബന്‍ഡ്‌ലിങ് ഉള്‍പ്പെടെയുള്ള സേവന ഓഫറുകളുടെ വൈവിധ്യവല്‍ക്കരണത്തിലൂടെ കൂടുതല്‍ വളരുമെന്ന് കെ.സി.സി.എല്‍, കെ.വി.ബി.എല്‍ ചെയര്‍മാന്‍ ശ്രീ ഗോവിന്ദന്‍ എടുത്തുപറഞ്ഞു.
