മുംബൈ: റിലയൻസ് ഇൻഡസ്ട്രീസിൻ്റെ ടെലികോം വിഭാഗമായ റിലയൻസ് ജിയോ ഇൻഫോകോമിൻ്റെ ഐ.പി.ഒ (ഇനീഷ്യൽ പബ്ലിക് ഓഫറിംഗ്) ഉടൻ. ശതകോടീശ്വരൻ മുകേഷ് അംബാനി ഇതിനായുള്ള നടപടികൾ ആരംഭിച്ചു.
നിലവിലെ റിപ്പോർട്ടുകൾ പ്രകാരം 35,000-40,000 കോടി രൂപാ പരിധിയിലാണ് ഐ.പി.ഒ നടക്കുക. ഇത്തവണ പബ്ലിക് ഓഫറിൽ ഓഫർ ഫോർ സെയിൽ എന്ന ഘടകവും പ്രീ-ഐപിഒ പ്ലേസ്‌മെൻ്റിനൊപ്പം ഒരു പുതിയ ഇഷ്യൂവും അടങ്ങിയിരിക്കുമെന്ന് അടുത്ത വൃത്തങ്ങൾ അറിയിച്ചു.
റിലയൻസ് ഗ്രൂപ്പിന്റെ ലക്ഷ്യം വർഷത്തിൻ്റെ രണ്ടാം പകുതിയിൽ ഈ ഇഷ്യു വിപണിയിൽ എത്തണമെന്നാണ്. ഈ ഷെഡ്യൂൾ പ്രകാരം നടന്നാൽ ഇത് ഇന്ത്യയിലെ ഏറ്റവും വലിയ ഐ.പി.ഒ ആയിരിക്കുമെന്നും അവർ കൂട്ടിച്ചേർത്തു. ഇന്ത്യയിലെ ഏറ്റവും വലിയ ഐ.പി.ഒക്കു വേണ്ടി എല്ലാവരും കാത്തിരിപ്പാണ്.
പ്രീ-ഐപിഒ പ്ലേസ്മെൻ്റ്
പ്രീ-ഐപിഒ പ്ലേസ്‌മെൻ്റിനായുള്ള പ്രാഥമിക ചർച്ചകൾ ഇതോടെ തുടങ്ങിയെന്നാണ് റിപ്പോർട്ടുകൾ വ്യക്തമാക്കുന്നത്. ഈ പുതിയ ഇഷ്യുവിൻ്റെ വലുപ്പം അൽപം വലുതായിരിക്കും. അതിനാൽ നിരവധി ആളുകൾക്ക് താത്പര്യമുണ്ടാവും.
സബ്‌സ്‌ക്രിപ്‌ഷനുകൾ ലഭിക്കുന്നതിന് ഒരു ബുദ്ധിമുട്ടും ഉണ്ടാകരുതെന്നും ബാങ്കർമാർ ആവശ്യപ്പെട്ടു. മാത്രമല്ല സബ്‌സ്‌ക്രിപ്‌ഷനുകൾക്ക് കാര്യമായ ഡിമാൻഡ് ഉണ്ടാകുമെന്നും ബാങ്കർമാർ വിശ്വസിക്കുന്നു. പ്രീ-ഐപിഒ പ്ലേസ്‌മെൻ്റിൻ്റെ തുക പുതിയ ഇഷ്യുവിൻ്റെ വലുപ്പത്തെ ആശ്രയിച്ചിരിക്കും.
ഒ.എഫ്.എസ് (ഓഫർ ഫോർ സെയിൽ) ഉം പുതിയ ഇഷ്യുവും തമ്മിലുള്ള വിഭജനത്തിന്റെ തീരുമാനം നടക്കുന്നു. എന്നാൽ ഒ.എഫ്.എസിനാണ് കൂടുതൽ പ്രാധാന്യമുണ്ടാവാൻ സാധ്യതയുള്ളത്. കാരണം അതിൽ നിക്ഷേപിക്കുന്നവർക്കും ഭാഗികമായോ പൂർണ്ണമായോ ലാഭം കിട്ടും.
വിദേശ നിക്ഷേപകർക്ക് ഏകദേശം 33 ശതമാനം ഓഹരികൾ സ്വന്തമായുള്ള ജിയോ പ്ലാറ്റ്‌ഫോമുകളുടെ കീഴിലാണ് RJio പ്രവർത്തിക്കുന്നത്. 2020-ൽ 18 ബില്യൺ ഡോളർ സമാഹരിക്കുന്നതിനായി അബുദാബി ഇൻവെസ്റ്റ്‌മെൻ്റ് അതോറിറ്റി, കെ.കെ.ആർ, മുബദാല, സിൽവർ ലേക്ക് തുടങ്ങിയ നിരവധി ഫണ്ടുകൾക്ക് റിലയൻസ് അതിൻ്റെ ഓഹരികൾ വിറ്റിരുന്നു.
മൂല്യനിർണ്ണയത്തിന്റെ കണക്ക്
വിവിധ ബ്രോക്കറേജുകൾ ആർ.ജിയോയുടെ മൂല്യം ഏകദേശം 100 ബില്യൺ ഡോളറാണെന്ന് കണക്കാക്കിയിരിക്കുന്നു. എന്നാൽ ഇത് ഏകദേശം 120 ബില്യൺ ഡോളറാകാൻ സാധ്യതയുണ്ടെന്നാണ് റിപ്പോർട്ടുകൾ വ്യക്തമാക്കുന്നത്.
വികസനവും വളർച്ചയും…
AI ഭാഷാ മോഡലുകൾ വികസിപ്പിക്കുന്നതിനായി ആഗോള സാങ്കേതിക മേഖലയിലെ പ്രധാനിയായ എൻവിഡിയയുമായുള്ള പങ്കാളിത്തം അടുത്തിടെ ജിയോ പ്ലാറ്റ്‌ഫോമുകൾ പ്രഖ്യാപിച്ചിരുന്നു. സാങ്കേതിക മുന്നേറ്റവും AI-യിൽ പ്രാധാന്യം നൽകുന്നതും സ്റ്റാർട്ടപ്പുകളെ അപേക്ഷിച്ച് ഇതിന് ഒരു മത്സരാധിഷ്ഠിത നേട്ടം നൽകുമെന്ന് പ്രതീക്ഷിക്കുന്നു.
സാറ്റ്ലൈറ്റ് ഇൻ്റർനെറ്റ് സേവനങ്ങൾ തുടങ്ങുന്നതിനായുള്ള അനുമതിയും RJio നേടിയിട്ടുണ്ട്. ടെലികോം, ഇൻറർനെറ്റ്, ഡിജിറ്റൽ ബിസിനസുകൾക്കായി റിലയൻസ് കമ്പനി കഴിഞ്ഞ 5 വർഷത്തിനിടെ ഏകദേശം 3 ബില്യൺ ഡോളറാണ് ചിലവഴിച്ചത്.
ഒക്ടോബർ അവസാനത്തോടെ 460 ദശലക്ഷം വയർലെസ് വരിക്കാരുമായി രാജ്യത്തെ ഏറ്റവും വലിയ ടെലികോം ഓപ്പറേറ്ററായി റിലയൻസ് ജിയോ വളർന്നു കഴിഞ്ഞു. കഴിഞ്ഞ വർഷം ജൂണിൽ ജിയോ തുക വർദ്ധിപ്പിച്ചിരുന്നു, അതു മുതൽ വരിക്കാരെ നഷ്ടപ്പെട്ടിരുന്നു. എന്നിട്ടും ജിയോ തന്നെ ഒന്നാമതായി എത്തിയിരിക്കുന്നു.
താരിഫ് വർദ്ധിപ്പിച്ചതോടെ സെപ്റ്റംബർ പാദത്തിൽ ജിയോ വമ്പൻ ലാഭത്തിലേക്ക് ഉയർന്നു.
