മുംബൈ: ആർഐടിഇഎസിന് പുതിയ ഓർഡറുകൾ ലഭിച്ചു. ബാംഗ്ലൂർ മെട്രോ റെയിൽ കോർപ്പറേഷനിൽ നിന്ന് ഡിപ്പോ കം വർക്ക്ഷോപ്പ് നിർമ്മിക്കുന്നതിനുള്ള പുതിയ ബിസിനസ് ഓർഡർ തങ്ങളുടെ കൺസോർഷ്യം നേടിയതായി ആർഐടിഇഎസ് അറിയിച്ചു.
499 കോടി രൂപയാണ് നിർദിഷ്ട ഓർഡറിന്റെ മൂല്യം. ഓർഡറിലെ ആർഐടിഇഎസിന്റെ വിഹിതം 51 ശതമാനമാണ്. വെള്ളിയാഴ്ച കമ്പനിയുടെ ഓഹരി 0.57 ശതമാനം ഉയർന്ന് 382.50 രൂപയിലെത്തി.
ഇന്ത്യയിലെ ട്രാൻസ്‌പോർട്ട് കൺസൾട്ടൻസി, എഞ്ചിനീയറിംഗ് മേഖലകളിലെ മുൻനിര കമ്പനിയാണ് ഒരു മിനിരത്‌ന (കാറ്റഗറി I) ഷെഡ്യൂൾ ‘എ’ പൊതുമേഖലാ സംരംഭമായ ആർഐടിഇഎസ്. കൂടാതെ വിദേശത്ത് റോളിംഗ് സ്റ്റോക്ക് വിതരണം ചെയുന്നതിനുള്ള ഇന്ത്യൻ റെയിൽവേയുടെ ഏക കയറ്റുമതി വിഭാഗമാണ് കമ്പനി. കമ്പനിയുടെ 72.2% ഓഹരി ഇന്ത്യാ ഗവൺമെന്റിന്റെ കൈവശമാണ്.
