ന്യൂ ഡൽഹി : ഇന്ത്യയും യുകെയും തമ്മിലുള്ള സ്വതന്ത്ര വ്യാപാര കരാറിന്റെ പതിനാലാം റൗണ്ട് ചർച്ചകൾ 2024 ജനുവരിയിൽ നടക്കുമെന്ന് വാണിജ്യ വ്യവസായ മന്ത്രാലയം തിങ്കളാഴ്ച അറിയിച്ചു.
ലണ്ടനിലും ഡൽഹിയിലുമായി ഇരു രാജ്യങ്ങൾ തമ്മിൽ നടന്ന പതിമൂന്നാം റൌണ്ട് ചർച്ചകളുടെ വിശദാംശങ്ങളും പുറത്തുവിട്ടു. കൂടാതെ വൃക്തിപരമായ ചർച്ചകളും ഇരു രാജ്യങ്ങളും തമ്മിൽ നടന്നു.
12-ാം റൗണ്ടിലെന്നപോലെ, ഈ ചർച്ചകൾ ചരക്കുകൾ, സേവനങ്ങൾ, നിക്ഷേപം എന്നിവയുൾപ്പെടെയുള്ള സങ്കീർണ്ണമായ വിഷയങ്ങളിൽ ശ്രദ്ധ കേന്ദ്രീകരിച്ചു,” സർക്കാർ ഒരു പ്രസ്താവനയിൽ പറഞ്ഞു.
കൂടാതെ, യുകെയും ഇന്ത്യയും സമഗ്രവും അഭിലഷണീയവുമായ എഫ്ടിഎയിലേക്കുള്ള ചർച്ചകൾ തുടരുമെന്ന് സർക്കാർ ആവർത്തിച്ചു.
ഇന്ത്യയും യുകെയും സമഗ്രവും പരസ്പര പ്രയോജനകരവുമായ ഒരു വ്യാപാര ബന്ധം വികസിപ്പിക്കാൻ പ്രതിജ്ഞാബദ്ധരാണ്, ഇത് നടന്നുകൊണ്ടിരിക്കുന്ന ചർച്ചകളിൽ നിന്ന് വ്യക്തമാണ്. ഇന്ത്യയുടെയും യുകെയുടെയും ഉഭയകക്ഷി വ്യാപാരം 2021–2022ൽ 17.5 ബില്യൺ ഡോളറിൽ നിന്ന് 2022–2023ൽ 20.36 ബില്യൺ ഡോളറായി വളർന്നു.
ഇന്ത്യ-യുകെ സ്വതന്ത്ര വ്യാപാര ഉടമ്പടി കരാർ ചർച്ചയ്ക്കിടെ ഒന്നിലധികം തടസ്സങ്ങൾ നേരിട്ടു, അതിന്റെ ഫലമായി കരാർ യഥാർത്ഥ സമയപരിധിയിൽ നിന്ന് ഒരു വർഷത്തിലേറെ വൈകി.
