ഉപഭോക്താക്കൾക്കായി 601 രൂപയുടെ റീചാർജ് പാക്ക് അവതരിപ്പിച്ച് ജിയോ. ഒരു വർഷത്തേക്ക് അൺലിമിറ്റഡ് 5ജി ലഭിക്കും എന്നതാണ് പ്രധാന ആകർഷണം. 601 രൂപ പായ്ക്ക് 5G ലേക്ക് അപ്ഗ്രേഡ് ചെയ്യുന്നതിനുള്ള ആഡ്-ഓൺ പ്ലാൻ ആണിത്.
അധിക ഡാറ്റാ ആനുകൂല്യങ്ങൾ ലഭിക്കില്ല. 299 രൂപയുടെ റീചാർജ് പാക്ക് ഉപയോഗിക്കുന്ന ഉപയോക്താക്കൾക്കാണ് ഇത് പ്രയോജനപ്പെടുത്തുക.
പ്രീപെയ്ഡ് പ്ലാനുകളിലോ അൺലിമിറ്റഡ് 5ജി ആക്സസ് ഇല്ലാത്ത മറ്റ് പ്ലാനുകളിലോ ഉള്ള പ്രീപെയ്ഡ് ഉപയോക്താക്കൾക്കാണ് ഒരു വർഷത്തേക്ക് അൺലിമിറ്റഡ് 5ജി ആക്സസ് നൽകുന്ന പ്ലാൻ. നിലവിൽ വിവിധ 4ജി പ്ലാനുകൾ ഉപോയോഗിക്കുന്നവർക്ക് ഒരു ആഡ്-ഓൺ പ്ലാൻ ആയി ഉപയോഗിക്കാൻ കഴിയുന്ന പാക്കാണിത്.
5ജിയിലേക്ക് എളുപ്പത്തിൽ അപ്ഗ്രേഡ് ചെയ്യാൻ ഈ പ്ലാൻ ഉപയോക്താക്കളെ സഹായിക്കുന്നു. പ്രതിദിനം കുറഞ്ഞത് 2 ജിബി ഡാറ്റ ഉൾപ്പെടുന്ന റീചാർജ് പ്ലാനുകൾ എങ്കിലും ചെയ്തിരിക്കുന്നവർക്കാണ് ഈ പ്ലാൻ ഉപയോഗിക്കാൻ ആകുക.
നിലവിൽ 299 രൂപയുടെ റീചാർജ് പാക്കിൽ 1.5ജിബി പ്രതിദിന ഡാറ്റയും അൺലിമിറ്റഡ് കോളുകളും ലഭിക്കും. ജിയോ നിലവിൽ 51 രൂയുടെയും 101 രൂപയുടെും 151 രൂപയുടെയും 5ജി വൗച്ചറുകൾ നൽകുന്നുണ്ട്.
പ്രീപെയ്ഡ് ഉപയോക്താക്കൾക്ക് മൈജിയോ ആപ്പ് വഴിയും, ജിയോയുടെ വെബ്സൈറ്റ് വഴിയും ഒക്കെ റീചാർജ് ചെയ്യാനാകും. മറ്റ് റീചാർജ് പ്ലാറ്റ്‌ഫോമുകൾ വഴിയും 601 രൂപയുടെ പായ്ക്ക് വാങ്ങാം.
51 രൂപവീതമുള്ള 12 ഡാറ്റ വൗച്ചറുകളാണ് ലഭിക്കുക. ഓരോ വൗച്ചറും 30 ദിവസത്തെ അൺലിമിറ്റഡ് 5ജി ഇൻ്റർനെറ്റ് ആക്സസ് വാഗ്ദാനം ചെയ്യുന്നുണ്ട്. ആവശ്യത്തിനനുസരിച്ച് ഇത് ആക്ടിവേറ്റ് ചെയ്യാനാകും.
എയർഫൈബർ 1,111 രൂപ മുതൽ
ജിയോയുടെ 5ജി സേവനങ്ങൾ ഉപയോഗിക്കുന്ന പുതിയ ഉപഭോക്താക്കൾക്കായി കമ്പനി ഒരു പ്രത്യേക പ്രൊമോഷൻ ആരംഭിച്ചിരുന്നു. 1111 രൂപയ്ക്ക് എയർഫൈബർ കണക്ഷൻ നൽകുന്ന പ്ലാനാണിത്.
പുതിയ ഉപഭോക്താക്കൾക്ക് 50 ദിവസത്തേക്ക് വളരെ കുറഞ്ഞ ചെലവിൽ 5ജി ആക്സസ് നൽകുന്ന പ്ലാനാണിത്.. ഈ ഓഫറിൽ സാധാരണയായി ഈടാക്കുന്ന ഇൻസ്റ്റലേഷൻ ഫീയായ 1000 രൂപ ജിയോ ഈടാക്കുന്നില്ല.
മുമ്പ് മൂന്നുമാസം മുതൽ 12 മാസം വരെയുള്ള ദീർഘകാല പ്ലാനുകൾക്ക് ഇൻസ്റ്റലേഷൻ ഫീസ് ഒഴിവാക്കിയിരുന്നു, എന്നാൽ 50 ദിവസത്തെ പ്ലാനിലും ഉപഭോക്താക്കൾക്ക് സൗജന്യ ഇൻസ്റ്റാളേഷൻ ലഭ്യമാണെന്നത് ശ്രദ്ധേയമാണ്.
