ആശ്ചര്യപ്പെടുത്തുന്ന സംഭവങ്ങൾക്കൊടുവിൽ, സാം ആൾട്ട്മാനെ കമ്പനിയുടെ സിഇഒ ആയി പുനഃർ നിയമിക്കുമെന്ന് ഓപ്പൺഎഐ നവംബർ 22-ന് എക്‌സിൽ പ്രഖ്യാപിച്ചു. നീക്കത്തിന്റെ ഭാഗമായി കമ്പനിയുടെ ഡയറക്ടർ ബോർഡും പുനഃസംഘടിപ്പിച്ചിട്ടുണ്ട്.
കഴിഞ്ഞയാഴ്ച ബോർഡ് ആൾട്ട്മാനെ പെട്ടെന്ന് പുറത്താക്കിയതിൽ ശക്തമായ വിയോജിപ്പ് പ്രകടിപ്പിച്ച ജീവനക്കാരുടെയും നിക്ഷേപകരുടെയും ശക്തമായ സമ്മർദ്ദത്തെ തുടർന്നാണ് ഈ തീരുമാനം.
ഓൾട്ട്മാൻ സിഇഒ ആയി തിരിച്ചെത്തുന്നതിന് “തത്ത്വത്തിൽ ഒരു കരാറിൽ” എത്തിയതായി OpenAI പറഞ്ഞു. സെയിൽസ്ഫോഴ്‌സിന്റെ മുൻ കോ-സിഇഒ ബ്രെറ്റ് ടെയ്‌ലർ, മുൻ ട്രഷറി സെക്രട്ടറി ലാറി സമ്മേഴ്‌സ് എന്നിവർ ഓപ്പൺഎഐയുടെ ബോർഡിൽ ചേരുമെന്ന് എഐ റിസർച്ച് ലാബ് അറിയിച്ചു. ക്വോറയുടെ സഹസ്ഥാപകനും സിഇഒയുമായ ആദം ഡി ആഞ്ചലോ ബോർഡിൽ തുടരും.
“വിശദാംശങ്ങൾ കണ്ടെത്തുന്നതിന് ഞങ്ങൾ സഹകരിക്കുകയാണ്. ഇതിൽ നിങ്ങൾ ക്ഷമയോടെ കാത്തിരിക്കുന്നതിന് വളരെയധികം നന്ദി,” കമ്പനി പോസ്റ്റിൽ കൂട്ടിച്ചേർത്തു.
ഓൾട്ട്മാനെ പുറത്താക്കിയതിനെത്തുടർന്ന് രാജിവയ്ക്കുന്നതിന് മുമ്പ് ഓപ്പൺഎഐയുടെ പ്രസിഡന്റായി സേവനമനുഷ്ഠിച്ച ബ്രോക്ക്മാനും സ്റ്റാർട്ടപ്പിലേക്കുള്ള തിരിച്ചുവരവ് പ്രഖ്യാപിച്ചു. സഹസ്ഥാപകൻ ഇല്യ സറ്റ്‌സ്‌കേവർ ഉൾപ്പെടെ നിരവധി ജീവനക്കാർ നവംബർ 20ന് ശേഷിക്കുന്ന ബോർഡ് അംഗങ്ങളുടെ രാജി ആവശ്യപ്പെട്ട് ഒരു കത്തിൽ ഒപ്പുവച്ചിരുന്നു.
തങ്ങളുടെ ആവശ്യങ്ങൾ നിറവേറ്റിയില്ലെങ്കിൽ, മൈക്രോസോഫ്റ്റിലെ പുതിയ AI ഗവേഷണ സംരംഭത്തിലേക്ക് ആൾട്ട്മാനെ പിന്തുടർന്ന് തങ്ങളും പോകുമെന്ന് അവർ സൂചിപ്പിച്ചു.
ചീഫ് സയന്റിസ്റ്റ് ഇല്യ സറ്റ്‌സ്‌കേവർ, സ്വതന്ത്ര ഡയറക്ടർമാരായ ഡി ആഞ്ചലോ, ടെക്‌നോളജി സംരംഭകയായ താഷ മക്കോളി, ജോർജ്ജ്ടൗൺ സെന്റർ ഫോർ സെക്യൂരിറ്റി ആന്റ് എമർജിംഗ് ടെക്‌നോളജിയുടെ ഹെലൻ ടോണർ എന്നിവരടങ്ങുന്ന ഓപ്പൺഎഐയുടെ മുൻ ബോർഡ്, അപ്രതീക്ഷിതമായി ആൾട്ട്മാനെ സിഇഒ സ്ഥാനത്ത് നിന്ന് നീക്കിയതിന് നിശിത വിമർശനം നേരിട്ടിരുന്നു.
ആൾട്ട്മാനും ഓപ്പൺഎഐ സഹസ്ഥാപകൻ ഗ്രെഗ് ബ്രോക്ക്മാനും ഒരു പുതിയ അഡ്വാൻസ്ഡ് എഐ റിസർച്ച് ടീമിനെ നയിക്കാൻ മൈക്രോസോഫ്റ്റിൽ ചേരുമെന്ന് ഈ ആഴ്ച ആദ്യം നാദെല്ല പ്രഖ്യാപിച്ചിരുന്നു.
അടുത്തിടെ നിയമിതനായ ഇടക്കാല സിഇഒ എമെറ്റ് ഷിയറും ഈ നീക്കത്തെ അഭിനന്ദിച്ചു,
