ന്യൂഡൽഹി: കമ്പനിയുടെ ചരിത്രത്തിൽ ആദ്യമായി പ്രസിഡന്റ് സ്ഥാനത്ത് ഒരു സ്ത്രീയെ നിയമിച്ച് സാംസങ് ഇലക്ട്രോണിക്സ്. സ്മാർട് ഫോൺ ബിസിനസിന്റെ മേൽനോട്ടം വഹിക്കുന്ന സാംസങ് ഡിവൈസ് എക്സ്പീരിയൻസ് ഡിവിഷന്റെ ആഗോള മാർക്കറ്റിങ് സെന്റർ പ്രസിഡന്റായി ലീ യങ് ഹീ ചുമതലയേൽക്കും.
ലീ 2007 മുതൽ സാംസങ്ങിൽ പ്രവർത്തിച്ചുവരികയാണ്. 2012ൽ വൈസ് പ്രസിഡന്റായി. സാംസങ് ഗാലക്സി ഫോണുകൾ വിപണിയിൽ ശക്തമായ സാന്നിധ്യമായതിനു പിന്നിൽ ലീയുടെ പങ്ക് നിസ്തുലമാണ്. ലീ സാംസങ് സ്ഥാപക കുടുംബത്തിൽ നിന്നല്ല എന്ന പ്രത്യേകതയുമുണ്ട്.
