കൊച്ചിയിൽ വൻ നിക്ഷേപവുമായി ടാറ്റ ഗ്രൂപ് കമ്പനി; സംയുക്ത സംരംഭം മലബാർ സിമൻ്റ്സിനൊപ്പംഇൻവെസ്റ്റ് കേരള: ദുബായ് ഷറഫ് ഗ്രൂപ്പ് സംസ്ഥാനത്ത് നിക്ഷേപിക്കുക 5000 കോടിഅമേരിക്കൻ തീരുവ ബാധിക്കില്ലെന്ന് ഇന്ത്യന്‍ കയറ്റുമതിക്കാര്‍2047 ഓടെ കേരളം ഒരു ട്രില്യണ്‍ ഡോളര്‍ സാമ്പത്തിക വളര്‍ച്ചയിലെത്തുമെന്ന് വിദഗ്ധര്‍വളർച്ച കുത്തനെ കുറഞ്ഞ് ആരോഗ്യ ഇൻഷുറൻസ് മേഖല

‘പലിശ നിരക്ക് യുദ്ധ’ത്തിനില്ലെന്ന് എസ്ബിഐ ചെയര്‍മാന്‍ സിഎസ് ഷെട്ടി

മുംബൈ: മല്‍സരം കടുത്തതാണെങ്കിലും നിക്ഷേപം ആകര്‍ഷിക്കാന്‍ ‘പലിശ നിരക്ക് യുദ്ധ’ത്തിലേക്ക് പോകാന്‍ ഉദ്ദേശമില്ലെന്ന് എസ്ബിഐ ചെയര്‍മാന്‍ സിഎസ് ഷെട്ടി.

നിക്ഷേപത്തില്‍ 8-10 ശതമാനം മാത്രം വളര്‍ച്ചയേ ഈ വര്‍ഷം ഉണ്ടായുള്ളെങ്കിലും ഈ വര്‍ഷം വായ്പകളില്‍ 4-16% കൈവരിക്കാന്‍ ബാങ്കിന്റെ വിശാലമായ അടിസ്ഥാനങ്ങള്‍ സഹായിക്കുമെന്ന് ഷെട്ടി പറഞ്ഞു.

പലിശ നിരക്കുകള്‍ വര്‍ധിപ്പിച്ച് മല്‍സരിക്കുന്നതിന് പകരം തങ്ങളുടെ വിപുലമായ ബ്രാഞ്ച് ശൃംഖലയും സേവനവും ഉപയോഗപ്പെടുത്തി നിക്ഷേപങ്ങള്‍ ആകര്‍ഷിക്കാനാണ് തീരുമാനം.

എന്നാല്‍ ചില ചെറിയ മാറ്റങ്ങള്‍ നിക്ഷേപ പലിശ നിരക്കിലും ദൃശ്യമായേക്കും. ബാങ്കിന്റെ നിക്ഷേപ അടിത്തറയില്‍ വലിയ ആത്മവിശ്വാസമാണ് കഴിഞ്ഞദിവസം എസ്ബിഐ ചെയര്‍മാന്‍ സ്ഥാനം ദിനേശ് ഖാരെയില്‍ നിന്ന് ഏറ്റെടുത്ത ഷെട്ടിക്കുള്ളത്.

കോര്‍പ്പറേറ്റ് വായ്പകളിലെ വന്‍ മുന്നേറ്റം അദ്ദേഹം ചൂണ്ടിക്കാട്ടുന്നു. 15-16 ശതമാനം വര്‍ദ്ധനയാണ് കോര്‍പ്പറേറ്റ് വായ്പകളില്‍ ഉണ്ടായിരിക്കുന്നത്.

4 ലക്ഷം കോടി രൂപയുടെ കോര്‍പ്പറേറ്റ് വായ്പകള്‍ക്ക് കൂടി ബാങ്ക് പുതിയതായി അനുമതി നല്‍കിയിട്ടുണ്ട്.

X
Top