മുംബൈ: വിദേശ പോര്‍ട്ട്‌ഫോളിയോ നിക്ഷേപകര്‍ (എഫ്പിഐ), സോഷ്യല്‍ സ്‌റ്റോക്ക് എക്‌സ്‌ചേഞ്ച് എന്നിവയുമായി ബന്ധപ്പെട്ട ഉപദേശക സമിതികള്‍ ക്യാപിറ്റല്‍ മാര്‍ക്കറ്റ് റെഗുലേറ്റര്‍ സെബി(സെക്യൂരിറ്റീസ് ആന്റ് എക്‌സ്‌ചെഞ്ച് ബോര്‍ഡ് ഓഫ് ഇന്ത്യ) പുനഃസംഘടിപ്പിച്ചു.
മുന് ധനകാര്യ സെക്രട്ടറി ഹസ്മുഖ് അധിയ 16 അംഗ എഫ്പിഐ സമിതിയുടെ അദ്ധ്യക്ഷനാകും. മുന് മുഖ്യ സാമ്പത്തിക ഉപദേഷ്ടാവ് കെ വി സുബ്രഹ്മണ്യന് പകരമായാണ് ഹസ്മുഖ അധിയ എത്തുന്നത്.
ജിഐസിയിലെ മാനേജിംഗ് ഡയറക്ടര്‍ ച്യൂ ഹേ ജോംഗ്, ജെപി മോര്‍ഗനിലെ ഡയറക്ട് കസ്റ്റഡി ആന്‍ഡ് ക്ലിയറിംഗ് മാനേജിംഗ് ഡയറക്ടര്‍ മൈക്കല്‍ ഡ്രംഗൂള്‍ എന്നിവരാണ് പുതിയ ഇന്‍ഡക്റ്റീവുകള്‍. ഓഗസ്റ്റില്‍ സെബി രൂപീകരിച്ച 15 അംഗ സമിതിയില്‍ ജെപി മോര്‍ഗന്‍ ചേസ് ബാങ്കിലെ മാധവ് കല്യാണ്‍ അംഗമായിരുന്നു.
എഫ്പിഐ ബിസിനസ്സ് എളുപ്പമാക്കുകയും ബോണ്ട് വിപണിയില്‍ അവരുടെ പങ്കാളിത്തം പ്രോത്സാഹിപ്പിക്കുകയും ചെയ്യുക എന്നതാണ് കമ്മിറ്റിയുടെ ചുമതല. ഇതിനായി ഇവര്‍ മാര്‍ക്കറ്റ് റെഗുലേറ്ററെ ഉപദേശിക്കും.
ലഭ്യമായ നിക്ഷേപ മാര്‍ഗങ്ങള്‍ അവലോകനം ചെയ്യുക, പുതിയ നിക്ഷേപ മാര്‍ഗങ്ങളുടെ പ്രായോഗികതയെക്കുറിച്ച് ഉപദേശം നല്‍കുക എന്നിവയാണ് മറ്റ് ടേംസ് ഓഫ് റഫറന്‍സ്.
എഫ്പിഐ നിയന്ത്രണങ്ങള്‍ ലഘൂകരിക്കുന്നതിനുള്ള നടപടികള്‍ ശുപാര്‍ശ ചെയ്യാനും വിദേശ നിക്ഷേപകരുമായി ബന്ധപ്പെട്ട കസ്‌റ്റോഡിയനുമായി ബന്ധപ്പെട്ട കാര്യങ്ങളില്‍ ഉപദേശം നല്‍കാനും പാനല്‍ ആവശ്യമാണ്.
സോഷ്യല്‍ സ്‌റ്റോക്ക് എക്‌സ്‌ചേഞ്ച് പാനലും പുന: ക്രമീകരിക്കപ്പെട്ടു. സമുണ്ണതി ഫിനാന്‍ഷ്യല്‍ ഇന്റര്‍മീഡിയേഷന്‍ & സര്‍വീസസ് സ്ഥാപകനും സിഇഒയുമായ അനില്‍ കുമാര്‍ എസ്ജിയെ സെബി പാനലില്‍ ഉള്‍പ്പെടുത്തി.
സന്തോഷ് ജയരാമന്‍ സസ്‌ടെയ്‌നബിലിറ്റി, ഗ്ലോബല്‍ ഹെഡ് , എച്ച്‌സിഎല്‍ ടെക്; ഗൈഡ്സ്റ്റാര്‍ ഇന്ത്യയുടെ സ്ഥാപകനും സിഇഒയുമായ പുഷ്പ അമന്‍ സിംഗ്; ഹേമന്ത് ഗുപ്ത, ബിഐഎല്‍ റയേഴ്‌സണ്‍ ടെക്‌നോളജി സ്റ്റാര്‍ട്ടപ്പ് ഇന്‍കുബേറ്റര്‍ ഫൗണ്ടേഷന്റെ മാനേജിംഗ് ഡയറക്ടര്‍ തുടങ്ങിയവരാണ് മറ്റംഗങ്ങള്‍.
ഗ്രാസ്‌റൂട്ട്‌സ് റിസര്‍ച്ച് ആന്‍ഡ് അഡ്വക്കസി മൂവ്‌മെന്റ് (ജിആര്‍എഎം) ചെയര്‍മാന്‍ ആര്‍ ബാലസുബ്രഹ്മണ്യമാണ് 18 അംഗ സമിതിക്ക് നേതൃത്വം നല്‍കുക.
സാമൂഹിക സംരംഭങ്ങള്‍ക്കുള്ള നിയന്ത്രണ വിഷയങ്ങളില്‍ സെബിയെ ഉപദേശിക്കാനുള്ള ഉത്തരവാദിത്തമാണ് സോഷ്യല്‍ സ്‌റ്റോക്ക് എക്‌സ്‌ചേഞ്ചിനുള്ളത്.
സാമൂഹിക സംരംഭക ചട്ടങ്ങള്‍ ലളിതമാക്കുന്നതിനും സുതാര്യമാക്കാനും പാനല്‍ മുന്‍കൈയെടുക്കുന്നു.
