വൻകിട കമ്പനികളിൽ മാത്രമല്ല സ്റ്റാർട്ടപ്പുകളിലും പിരിച്ചുവിടൽ വ്യാപകമാകുന്നു. കഴിഞ്ഞ വർഷം ഈ സമയം ഇന്ത്യൻ സ്റ്റാർട്ടപ്പുകൾ യൂണികോണുകൾ ആയി മാറുകയായിരുന്നെങ്കിൽ ഇപ്പോൾ കഥ മാറി. സ്റ്റാർട്ടപ്പുകളിലും പിരിച്ചുവിടൽ വ്യാപകമാകുന്നു.
ലോംഗ്‌ഹൗസ് കൺസൾട്ടിംഗ് പുറത്തുവിട്ട റിപ്പോർട്ടുകൾ പ്രകാരം, ഇന്ത്യയിലെ 52 പുതു കമ്പനികൾ 2022-ൽ 18,000-ത്തോളം ജീവനക്കാരെ പിരിച്ചുവിട്ടു. ഇതിൽ പകുതിയോളം പേരും 15 എഡ്‌ടെക് കമ്പനികളിലായി ജോലി ചെയ്തിരുന്നവരാണ്.
2022-ൽ ഏറ്റവും സീനിയർ ലെവലിൽ കൂടുതൽ പേരെ ഒഴിവാക്കിയത് ഉദാൻ, ഒല, ഒയോ തുടങ്ങിയ കമ്പനികളാണ്. സ്റ്റാർട്ടപ്പുകൾ, ടെക് സ്ഥാപനങ്ങൾ എന്നിവ വലിയ റോളുകളിലേക്ക് മികവിൻെറ അടിസ്ഥാനത്തിൽ ബ്ലൂ കോളർ കാറ്റഗറി തൊഴിലാളികളെയും പരിശീലനം നൽകി ഉയർത്തുന്നു.
സംശയാസ്പദമായ ഇ-കൊമേഴ്‌സ് കമ്പനികളിൽ പിടിമുറുക്കാൻ സർക്കാർ ശ്രമിക്കുന്നത് ഈ രംഗത്ത് പ്രവർത്തിക്കുന്നവർക്കും തിരിച്ചടിയാണ്.
എക്‌സിക്യൂട്ടീവ് സെർച്ച് സ്ഥാപനമായ ലോങ്‌ഹൗസ് കൺസൾട്ടിംഗ് ഇക്കണോമിക് ടൈംസുമായി പങ്കുവെച്ച കണക്കുകൾ പ്രകാരം, ഈ വർഷം ഇതുവരെ 18,000 തൊഴിലവസരങ്ങൾ വെട്ടിക്കുറച്ചു.
സ്റ്റാർട്ടപ്പുകളിൽ തൊഴിൽ നഷ്ടം വ്യാപകമാകുന്നത് ഈ രംഗത്ത് തൊഴിൽ തേടുന്നവരെ ആശങ്കയിലാക്കും പുതിയ കമ്പനികൾ നേരിടുന്ന ഫണ്ടിംഗ് പ്രശ്നങ്ങളും ശൈത്യകാലത്തെ ബിസിനസ് വെല്ലുവിളികളുമാണ് മറ്റൊരു പ്രശ്നം.
എഡ്‌ടെക്, ഉപഭോക്തൃ സേവനങ്ങൾ, ഇ-കൊമേഴ്‌സ്, ഹെൽത്ത് ടെക്, ലോജിസ്റ്റിക്സ്, ഫിൻടെക്, ടെക്, മീഡിയ ആൻഡ് എന്റർടൈൻമെന്റ്, അഗ്രി-ടെക്, ക്ലീൻടെക് എന്നീ മേഖലകളിലാണ് തൊഴിൽ നഷ്ടം. മൊത്തം 52 സ്റ്റാർട്ടപ്പുകൾ 17,989 ജീവനക്കാരെ പിരിച്ചുവിട്ടു.
എഡ്‌ടെക് രംഗത്ത് ഏറ്റവും അധികം പിരിച്ചുവിടൽ നടന്നത് ബൈജൂസ്, അൺകാഡമി, വേദാന്തു, ബൈജുവിന്റെ ഉടമസ്ഥതയിലുള്ള വൈറ്റ്ഹാറ്റ് ജൂനിയർ, ടോപ്പർ,ഫ്രണ്ട്‌റോ, ലിഡോ, ഇൻവാക്റ്റ് മെറ്റാവേർസിറ്റി, തുടങ്ങിയ കമ്പനികളിലാണ്. പിരിച്ചുവിട്ട ഏകദേശം 44 ശതമാനം പേരും 15 എഡ്‌ടെക് കമ്പനികളിൽ നിന്നുള്ളവരാണ്.
എഡ്‌ടെക് കമ്പനികളിൽ മിക്കതും കരുതിയത് കൊവിഡ് അവസാനിച്ചാലും ഓൺലൈൻ വിദ്യാഭ്യാസം ഉൾപ്പെടെ എല്ലാം ഡിജിറ്റലായി തുടരുമെന്നാണ്. അതുപോലെ തന്നെ ഓൺലൈനിൽ മികച്ച പഠനാനുഭവങ്ങൾ വിദ്യാർത്ഥികൾക്ക് നൽകുന്നത് തുടരാൻ മിക്ക കമ്പനികൾക്കുമായതുമില്ല.
ഓൺലൈൻ പഠന സാധ്യതകൾ ഉപയോഗിക്കുന്നതിനൊപ്പം ഇന്നവേഷൻ സാധ്യതകൾ പ്രയോജനപ്പെടുത്താൻ പണം ഉപയോഗിക്കാഞ്ഞതും മിക്ക കമ്പനികൾക്കും തിരിച്ചടിയായി. സോഫ്റ്റ്‌ബാങ്കിന്റെ പിന്തുണയുള്ള ഒല 2022-ൽ 2,300 കരാർ ജീവനക്കാരെ പിരിച്ചുവിട്ടു.
ഈ പിരിച്ചുവിടലുകളിൽ ഭൂരിഭാഗവും കമ്പനിയുടെ കോൾ സെന്റർ ഡിപ്പാർട്ട്‌മെന്റിലായിരുന്നുവെന്ന് ഒരു ഉറവിടം പറഞ്ഞു.
