മുംബൈ: പവർ ഗ്രിഡ് കോർപ്പറേഷൻ ഓഫ് ഇന്ത്യ ലിമിറ്റഡിൽ (പിജിസിഐഎൽ) നിന്ന് 298 കോടി രൂപയുടെ കരാർ നേടിയതായി വയർലൈൻ, വയർലെസ് നെറ്റ്‌വർക്കിംഗ് ഉൽപ്പന്ന നിർമ്മാതാവായ തേജസ് നെറ്റ്‌വർക്കസ് അറിയിച്ചു. പി‌ജി‌സി‌ഐ‌എല്ലിന്റെ ഇന്ത്യയിലുടനീളമുള്ള ടെലികോം ശൃംഖല വർദ്ധിപ്പിക്കുന്നതിനും നെറ്റ്‌വർക്കുകൾ ആക്‌സസ് ചെയ്യുന്നതിനുമുള്ള ഒപ്റ്റിക്കൽ നെറ്റ്‌വർക്കിംഗ് ഉപകരണങ്ങളുടെ വിതരണം, ഇൻസ്റ്റാളേഷൻ, കമ്മീഷൻ ചെയ്യൽ പിന്തുണ എന്നിവയ്ക്കാണ് കരാറെന്ന് തേജസ് നെറ്റ്വർക്ക്സ് അറിയിച്ചു.
ഈ കരാറിന്റെ ഭാഗമായി, TJ1600 മൾട്ടി-ടെറാബിറ്റ് OTN ക്രോസ്-കണക്‌ടുകളും, നൂതന ഫ്ലെക്‌സ്-ഗ്രിഡ് പ്രവർത്തനക്ഷമതയുള്ള 100G/200G DWDM സിസ്റ്റങ്ങളും, MPLS-netTP/Carrier E-ന്റെ TJ1400P സീരീസ് ഉൾപ്പെടെയുള്ള വൈവിധ്യമാർന്ന ഫാമിലി ഉൽപ്പന്നങ്ങളുടെ വിപുലമായ ശ്രേണിയും തേജസ് വിതരണം ചെയ്യും.
75-ലധികം രാജ്യങ്ങളിൽ സാന്നിധ്യമുള്ള തേജസ് നെറ്റ്വർക്ക്സ്, ഇന്റർനെറ്റ് സേവന ദാതാക്കൾ, യൂട്ടിലിറ്റികൾ, പ്രതിരോധം, സർക്കാർ സ്ഥാപനങ്ങൾ എന്നിവയ്ക്കായി ഉയർന്ന പ്രകടനമുള്ള വയർലൈൻ, വയർലെസ് നെറ്റ്‌വർക്കിംഗ് ഉൽപ്പന്നങ്ങൾ രൂപകൽപ്പന ചെയ്യുകയും നിർമ്മിക്കുകയും ചെയ്യുന്നു. ഒരു ടാറ്റ ഗ്രൂപ്പ് കമ്പനിയാണ് തേജസ് നെറ്റ്വർക്ക്സ്.
തേജസ് നെറ്റ്വർക്ക്സ് 2023 സാമ്പത്തിക വർഷത്തിലെ ഒന്നാം പാദത്തിൽ 6.64 കോടി രൂപയുടെ ഏകീകൃത അറ്റാദായം റിപ്പോർട്ട് ചെയ്തിരുന്നു. കൂടാതെ തിങ്കളാഴ്ച തേജസ് നെറ്റ്‌വർക്കിന്റെ ഓഹരികൾ 2.02 ശതമാനം ഉയർന്ന് 476.80 രൂപയിലാണ് വ്യാപാരം നടത്തുന്നത്.
