മുംബൈ: ഉപഭോക്തൃ വിവേചനാധികാര ഉത്പന്നങ്ങള്‍ നിര്‍മ്മിച്ച് വിതരണം ചെയ്യുന്ന രാജ്യത്തെ പ്രമുഖ കമ്പനി ടൈറ്റന്‍ ബുധനാഴ്ച നാലാംപാദ ഫലങ്ങള്‍ പ്രഖ്യാപിച്ചു. 734 കോടി രൂപയാണ് കമ്പനി രേഖപ്പെടുത്തിയ അറ്റാദായം. മുന്‍വര്‍ഷത്തെ സമാന പാദത്തെ അപേക്ഷിച്ച് 50 ശതമാനം അധികം.
വരുമാനം 25 ശതമാനം ഉയര്‍ന്ന് 8753 കോടി രൂപയായി. അറ്റാദായം പ്രതീക്ഷിച്ച തോതിലാണ്. ജ്വല്ലറി വിഭാഗത്തില്‍ നിന്നുള്ള വരുമാനം 24 ശതമാനം (YoY) വര്‍ധിച്ച് 7576 കോടി രൂപ.
വാച്ച്, വെയറബിള്‍ 871 കോടി രൂപയുടെ റെക്കോര്‍ഡ് വരുമാനം രേഖപ്പെടുത്തി. 40 ശതമാനം (YoY) ) വര്‍ധനവ്. നേത്രസംരക്ഷണ ബിസിനസിന്റെ മൊത്തം വരുമാനം 23 ശതമാനം വര്‍ധിച്ച് 165 കോടി രൂപയായിട്ടുണ്ട്.
കമ്പനി എബിറ്റ 997 കോടി രൂപയും മാര്‍ജിന്‍ 13.2 ശതമാനവുമാണ്.
