രാജ്യാന്തര യാത്ര പതിവായി ചെയ്യുന്നവരെ സംബന്ധിച്ച് ഭാരമറിയ സാമ്പത്തിക ചെലവുകൾ നേരിടേണ്ടി വരുന്നുണ്ടാകാം. വിമാന ടിക്കറ്റ് മുതൽ ഹോട്ടൽ മുറികളും വരെയുള്ള ബുക്കിങ്ങിനും വിദേശത്ത് നടത്തേണ്ട ചെലവിടലിനും ഒക്കെയായി പലവിധ ചെലവുകൾ നോക്കണം.
ഈയൊരു പശ്ചാത്തലത്തിലാണ് പരമാവധി ആനുകൂല്യങ്ങളും ഓഫറുകളും ലഭ്യമായ ട്രാവൽ ക്രെഡിറ്റ് കാർഡുകളുടെ പ്രസക്തി വർധിക്കുന്നത്. രാജ്യാന്തര യാത്ര ചെയ്യുന്നവർക്ക് ഏറ്റവും അനുയോജ്യമായ ഏതാനും ട്രാവൽ ക്രെഡിറ്റ് കാർഡുകളുടെ വിശദാംശങ്ങൾ ചുവടെ ചേർക്കുന്നു.
ഐഡിഎഫ്സി ഫസ്റ്റ് വെൽത്ത് ക്രെഡിറ്റ് കാർഡ്
വാർഷിക ക്രെഡിറ്റ് കാർഡ് ഫീസ് : ഇല്ല
റിവാർഡ് പോയിന്റ് : 20,000 രൂപ വരെയുള്ള പ്രതിമാസ ചെലവിടലിൽ മൂന്ന് മടങ്ങ് റിവാർഡ് പോയിന്റ് കിട്ടും. ഇതിന് മുകളിൽ ചെലവാക്കുന്ന തുകയിൽ 10 മടങ്ങിലായിരിക്കും റിവാർഡ് പോയിന്റ് ലഭിക്കുക.
സിനിമ ടിക്കറ്റ് : പ്രതിമാസം രണ്ട് തവണ വരെ ഒന്നെടുത്താൽ ഒന്ന് സൗജന്യം എന്ന ആനുകൂല്യം പരമാവധി 250 രൂപയ്ക്ക്. ഡിസ്ട്രിക് ബൈ സൊമാറ്റോ എന്ന ആപ്ലിക്കേഷനിലൂടെയാണ് ഈ ഓഫർ ലഭ്യമാക്കുക.
വെൽക്കം ഓഫർ : ആദ്യ ഇഎംഐ ഇടപാടിന് 5% ക്യാഷ്ബാക്ക്, 500 രൂപയുടെ ഗിഫ്റ്റ് വൗച്ചർ.
ഫോറക്സ് മാർക്കപ്പ് : വിദേശ കറൻസിയിൽ നടത്തുന്ന ഇടപാടിനുള്ള ഫീസ് 1.5% വീതം.
ലോഞ്ച് & സ്പാ പ്രവേശനം : ആഭ്യന്തര, രാജ്യാന്തര വിമാനത്താവള ടെർമിനലുകളിൽ വർഷം 8 തവണ വരെ
സ്റ്റാൻഡേഡ് ചാർട്ടേഡ് ഈസിമൈട്രിപ് ക്രെഡിറ്റ് കാർഡ്
വാർഷിക ക്രെഡിറ്റ് കാർഡ് ഫീസ് : 350 രൂപ
ഹോട്ടൽ മുറിവാടക : ഈസിമൈട്രിപ് മുഖേന ബുക്ക് ചെയ്യുന്ന ഹോട്ടൽ മുറികളിൽ ഇന്ത്യയിൽ 5,000 രൂപ വരെയും വിദേശത്ത് 10,000 രൂപ വരെയും ഇളവ്.
വിമാന ടിക്കറ്റ് : ആഭ്യന്തര യാത്രയിൽ 1,000 രൂപ വരെയപം വിദേശ യാത്രയിൽ 5,000 രൂപ വരെയും ഈസിമൈട്രിപ് മുഖേന ബുക്ക് ചെയ്യുമ്പൾ ഇളവ്.
ബസ് ടിക്കറ്റ് : ഈസിമൈട്രിപ് മുഖേനയുള്ള ബസ് ടിക്കറ്റ് ബുക്ക് ചെയ്യുമ്പോൾ 125 രൂപ ഫ്ലാറ്റ് നിരക്കിൽ ഇളവ്.
റിവാർഡ് പോയിന്റ് : വിമാനം/ ഹോട്ടൽ എന്നിവയുടെ വെബ്സൈറ്റുകളിലും ആപ്പുകളിലും ഔട്ട്‍ലെറ്റുകളിലും ചെലവഴിക്കുന്ന ഓരോ നൂറ് രൂപയ്ക്കും 10 റിവാർഡ് പോയിന്റ് വീതം നൽകും.
ലോഞ്ച് പ്രവേശനം : ഓരോ സാമ്പത്തിക പാദങ്ങളിലും ആഭ്യന്തര ടെർമിനലുകളിൽ ഒരു തവണ വീതവും ഇന്റർനാഷണൽ ടെർമിനലുകളിൽ വർഷം രണ്ട് തവണ വീതവും ലോഞ്ച് പ്രവേശനം അനുവദിക്കും.
അധിക ഇളവ് : ഈസിമൈട്രിപ് മുഖേനയുള്ള ഹോട്ടൽ റൂം ബുക്കിങ്ങിൽ 20 ശതമാനവും വിമാന ടിക്കറ്റുകളിൽ 10 ശതമാനം വീതവും അധിക ഇളവ് അനുവദിക്കും.
എച്ച്ഡിഎഫ്സി റെഗാലിയ ഗോൾഡ് ക്രെഡിറ്റ് കാർഡ്
വാർഷിക ക്രെഡിറ്റ് കാർഡ് ഫീസ് : 2,500 രൂപ
എക്സ്ക്ലൂസീവ് മെമ്പർഷിപ്പ് : സ്വിഗ്ഗി വൺ പ്രീമിയം, മേക്ക്മൈ ട്രിപ്പ് പ്രീമീയം ലോയാൽറ്റി തുടങ്ങിയ പദ്ധതികളിൽ സൗജന്യ അംഗത്വം.
വെൽക്കം ഓഫർ : ജോയിൻ ചെയ്യുന്ന ഫീസ് പേയ്മെന്റിന് 2,500 രൂപയുടെ ഗിഫ്റ്റ് വൗച്ചർ
ലോഞ്ച് പ്രവേശനം : വാർഷികമായി 6 തവണ ഇന്റർനാഷണൽ ടെർമിനലിലും 12 തവണ ആഭ്യന്തര ടെർമിനലിലും ഉള്ള ലോഞ്ചുകളിൽ പ്രവേശനം.
ക്വാർട്ടർലി സ്പെൻഡ് റിവാർഡ് : ഓരോ സാമ്പത്തിക പാദങ്ങളിലും 1.5 ലക്ഷത്തിന് മുകളിൽ ചെലവിടുന്നവർക്ക് 1,500 രൂപയുടെ വൗച്ചർ (മാർക്ക്സ് & സ്പെൻസർ, റിലയൻസ് ഡിജിറ്റൽ, മിന്ത്ര, മാരിയറ്റ്)
ആന്വൽ സ്പെൻഡ് റിവാർഡ് : വാർഷികമായി 5 ലക്ഷം രൂപ ചെലവിടുന്നവർക്ക് 5,000 രൂപയുടെ വിമാന ടിക്കറ്റ് വൗച്ചർ.
ബോണസ് റിവാർഡ് : നൈക്ക, മിന്ത്ര, മാർക്ക്സ് & സ്പെൻസർ, റിലയൻസ് ഡിജിറ്റൽ എന്നിവയിൽ ചെലവിടുന്നതിന് 5 മടങ്ങ് റിവാർഡ് പോയിന്റ്.
റെഗുലർ റിവാർഡ് : എല്ലാ റീട്ടെയിൽ ചെലവിടലിനും 150 രൂപയ്ക്ക് നാല് റിവാർഡ് പോയിന്റ് വീതം.
