ന്യൂഡല്‍ഹി: രണ്ട് ദിവസത്തെ കനത്ത ഇടിവിന് ശേഷം ക്രിപ്‌റ്റോകറന്‍സി വിപണി തിരിച്ചുകയറി. യു.എസ് ചെറുകിട പണപ്പെരുപ്പം പ്രതീക്ഷിച്ചതിലും താഴ്ന്നതാണ് വിപണിയെ ഉയര്‍ത്തിയത്. അഗോള ക്രിപ്‌റ്റോകറന്‍സി മൂല്യം 4.42 ശതമാനം ഉയര്‍ന്ന് 871.61 ബില്യണ്‍ ഡോളറിലാണുള്ളത്.
ക്രിപ്‌റ്റോകറന്‍സി വിപണി അളവ് 29.60 ശതമാനം താഴ്ന്ന് 122.72 ബില്യണ്‍ ഡോളറായപ്പോള്‍ ഡീസെന്‍ട്രലൈസ്ഡ് ഫിനാന്‍സ് അളവ് 4.48 ശതമാനം അഥവാ 5.50 ബില്യണ്‍ ഡോളറും സ്‌റ്റേബിള്‍ കോയിന്‍ 177.99 ബില്യണ്‍ അഥവാ 96.14 ബില്യണ്‍ ഡോളറുമാണ്. മറ്റ് ക്രിപ്‌റ്റോകളിലുള്ള ബിറ്റ്‌കോയിന്‍ മേധാവിത്തം 0.17 ശതമാനം ഉയര്‍ന്ന് 38.12 ശതമാനമായി.
ലോകത്തിലെ ഏറ്റവും വലിയ ക്രിപ്‌റ്റോകറന്‍സിയായ ബിറ്റ്‌കോയിന്‍ 24 മണിക്കൂറില്‍ 4.84 ശതമാനം ഉയര്‍ന്ന് 17,348.92 ഡോളറിലെത്തി. ഇതോടെ ഒരാഴ്ചത്തെ താഴ്ച 16.01 ശതമാനം കുറയ്ക്കാന്‍ ബിടിസിയ്ക്കായി. രണ്ടാമത്തെ വലിയ കോയിനായ എഥേരിയം 6.88 ശതമാനം ഉയര്‍ന്ന് 1286.89 ഡോളറിലാണുള്ളത്.
ഒരാഴ്ചയിലെ ഇടിവ് 19.40 ശതമാനം. ബിഎന്‍ബി -294.84 ഡോളര്‍ (5.34 ശതമാനം ഉയര്‍ച്ച), എക്‌സ്ആര്‍പി-0.3915 ഡോളര്‍ (7 ശതമാനം ഉയര്‍ച്ച), കാര്‍ഡാനോ-0.3633 ഡോളര്‍ (2.52 ശതമാനം ഉര്‍ച്ച ), ഡോഷ്‌കോയിന്‍ – 0.08835 ഡോളര്‍ (6.22 ശതമാനം ഉയര്‍ച്ച), പൊക്കോട്ട്- 5.82 ഡോളര്‍ (1.67 ശതമാനം ഉയര്‍ച്ച), സൊലാന-17.95 ഡോളര്‍ (16.60 ശതമാനം ഉയര്‍ച്ച), അവലാഞ്ച് -14.97 ഡോളര്‍ (4.57 ശതമാനം ഉയര്‍ച്ച)
