ന്യൂഡല്‍ഹി: ബിറ്റ്‌കോയിന്റെ ബലത്തില്‍ ക്രിപ്‌റ്റോകറന്‍സി വിപണി ചൊവ്വാഴ്ച കുതിച്ചുയര്‍ന്നു. 4.35 ശതമാനം ഉയര്‍ന്ന് 1.24 ട്രില്യണ്‍ ഡോളറിലാണ് ആഗോള ക്രിപ്‌റ്റോകറന്‍സി വിപണി മൂല്യമുള്ളത്. വിപണി അളവ് 71.71 ശതമാനം ഉയര്‍ന്ന് 50.65 ബില്യണ്‍ ഡോളറായപ്പോള്‍ ഡീസെന്‍ട്രലൈസ്ഡ് ഫിനാന്‍സ് 9 ശതമാനം അഥവാ 4.56 ബില്യണ്‍ ഡോളറും സ്‌റ്റേബിള്‍കോയിന്‍ 45.80 ബില്യണ്‍ ഡോളര്‍ അഥവാ 90.42 ശതമാനവുമാണ്.
ബിടിസി (ബിറ്റ്‌കോയിന്‍ ) മേധാവിത്തം 0.85 ശതമാനം ഉയര്‍ന്ന് 47.06 ശതമാനമായി. ജനകീയ കോയിനായ ബിടിസി 30,000 ഡോളര്‍ ഭേദിക്കുന്നതിനും വിപണി സാക്ഷിയായി. 2022 ജൂലൈയ്ക്ക് ശേഷം ആദ്യമായാണ് ബിറ്റ്‌കോയിന്‍ 30,000 ഡോളര്‍ തൊടുന്നത്.
ബിറ്റ്‌കോയിന്‍ നിലവില്‍ 6.54 ശതമാനം ഉയര്‍ന്ന് 30,137.09 ഡോളറിലാണ് വ്യാപാരത്തിലുള്ളത്. എഥേരിയം -1917.89 ഡോളര്‍ (3.41 ശതമാനം ഉയര്‍ച്ച), ബിഎന്‍ബി-329.11 ഡോളര്‍ (5.32 ശതമാനം ഉയര്‍ച്ച), എക്‌സ്ആര്‍പി-0.521 ഡോളര്‍ (3.22 ശതമാനം ഉയര്‍ച്ച), കാര്‍ഡാനോ-0.4082 ഡോളര്‍ (2.19 ശതമാനം ഉയര്‍ച്ച), ഡോഷ്‌കോയിന്‍- 0.08522 ഡോളര്‍ (2.83 ശതമാനം ഉയര്‍ച്ച), സൊലാന-22.25 ഡോളര്‍ (9.93 ശതമാനം ഉയര്‍ച്ച), പൊക്കോട്ട് -6.42 ഡോളര്‍ (4.32 ശതമാനം ഉയര്‍ച്ച), അവലാഞ്ച് -18.38 ഡോളര്‍ (5.06 ശതമാനം ഉയര്‍ച്ച) എന്നിങ്ങനെയാണ് പ്രധാന ക്രിപ്‌റ്റോകറന്‍സികളുടെ വിലകള്‍.
