സാങ്കേതികമായി നിഫ്റ്റി താഴ്ചയില്‍

മുംബൈ: ജൂണ്‍ 8 ന് തുടര്‍ച്ചയായ 5 സെഷനുകള്‍ക്ക് ശേഷം വിപണി ആദ്യമായി തിരുത്തല്‍ വരുത്തി. സെന്‍സെക്‌സ് 294 പോയിന്റ് താഴ്ന്ന് 62849 ലെവലിലും നിഫ്റ്റി50 92 പോയിന്റ് താഴ്ന്ന് 18635 ലെവലിലും ക്ലോസ് ചെയ്യുകയായിരുന്നു. പ്രതിദിന ചാര്‍ട്ടില്‍ രൂപം കൊണ്ട അപ്പര്‍ ഷാഡോവോട് കൂടിയ നെഗറ്റീവ് കാന്‍ഡില്‍ ബുള്ളിഷ് മൊമന്റത്തെ റദ്ദാക്കുന്നു, എച്ച്ഡിഎഫ്‌സി സെക്യൂരിറ്റീസ്, ടെക്‌നിക്കല്‍ റിസര്‍ച്ച് അനലിസ്റ്റ് നാഗരാജ് ഷെട്ടി പറഞ്ഞു.

ഹ്രസ്വകാല പ്രവണത ദുര്‍ബലമാണ്. 10,20 ദിവസ ഇഎഎ ആയ 18560-18450 ലെവലിലായിരിക്കും നിഫ്റ്റി പിന്തുണ തേടുക.

പിവറ്റ് ചാര്‍ട്ട് പ്രകാരമുള്ള സപ്പോര്‍ട്ട്,റെസിസ്റ്റന്‍സ് ലെവലുകള്‍
നിഫ്റ്റി50
സപ്പോര്‍ട്ട്: 18,614- 18,576 -18,514.
റെസിസ്റ്റന്‍സ്: 18,738 – 18,776 – 18,838.

നിഫ്റ്റി ബാങ്ക്
സപ്പോര്‍ട്ട്: 43,917- 43,790-43,583.
റെസിസ്റ്റന്‍സ്: 44,331-44,459 -44,665.

നിക്ഷേപകര്‍ താല്‍പര്യം പ്രകടിപ്പിക്കുന്ന ഓഹരികള്‍
കോറമാണ്ടല്‍
സണ്‍ ഫാര്‍മ
വോള്‍ട്ടാസ്
എല്‍ടി
ഡോ.റെഡ്ഡീസ്
ഡാബര്‍
ടെക് മഹീന്ദ്ര
മക്‌ഡോവല്‍
ടിസിഎസ്
സിപ്ല

പ്രധാന ബള്‍ക്ക് ഡീലുകള്‍

സ്‌നോമാന്‍ ലോജിസ്റ്റിക്‌സ്: ഗേറ്റ് വേ ഡിസ്ട്രിപാര്‍ക്ക്‌സ്,ഓപ്പണ്‍ മാര്‍ക്കറ്റ് ഇടപാടുകളിലൂടെ 14 ലക്ഷം അധിക ഓഹരികള്‍ ശരാശരി 43.32 രൂപ നിരക്കില്‍ സ്വന്തമാക്കി. കഴിഞ്ഞ സെഷനില്‍ ഗേറ്റ് വേ ഡിസ്ട്രിപാര്‍ക്ക്‌സ് സ്‌നോമാന്‍ 11 ലക്ഷം ഓഹരികള്‍ അല്ലെങ്കില്‍ 0.65 ശതമാനം ഓഹരികള്‍ വാങ്ങിയിരുന്നു.

യുണൈറ്റഡ് ഡ്രില്ലിംഗ് ടൂള്‍സ്: പ്രമുഖ നിക്ഷേപകനായ ആശിഷ് കച്ചോലിയ 1.58 ലക്ഷം ഇക്വിറ്റി ഓഹരികള്‍ അല്ലെങ്കില്‍ 0.78 ശതമാനം ഓഹരികള്‍ ശരാശരി 190.49 രൂപ നിരക്കില്‍ വിറ്റു. 2023 മാര്‍ച്ച് വരെ കച്ചോലിയയ്ക്ക് കമ്പനിയില്‍ 5.7 ലക്ഷം ഓഹരികള്‍ അല്ലെങ്കില്‍ 2.81 ശതമാനം ഓഹരിയുണ്ട്.

ജെഎച്ച്എസ് സ്വെന്‍ഡ്ഗാര്‍ഡ് ലബോറട്ടറീസ്: നിഖില്‍ വോറയും ഭാര്യ ചൈതാലിയും 1.19 ശതമാനം ഓഹരി ഓപ്പണ്‍ മാര്‍ക്കറ്റ് ഇടപാടുകളിലൂടെ വിറ്റു. നിഖില്‍ 3.91 ലക്ഷം ഓഹരികള്‍ ശരാശരി 19.21 രൂപ നിരക്കില്‍ വിറ്റപ്പോള്‍ ചൈതാലി എന്‍ വോറ 3.83 ലക്ഷം ഓഹരികളാണ് വില്‍പന നടത്തിയത്. ശരാശരി 18.2 രൂപ നിരക്കിലായിരുന്നു ഇടപാട്.