ചെന്നൈ : ടിവിഎസ് മോട്ടോർ കമ്പനി ഇലക്ട്രിക് ഇരുചക്ര വാഹന പോർട്ട്‌ഫോളിയോ അടുത്ത ഒരു വർഷത്തിനുള്ളിൽ വിപുലീകരിക്കാൻ ലക്ഷ്യമിടുന്നതായി റിപ്പോർട്ട് . ചെന്നൈ ആസ്ഥാനമായുള്ള കമ്പനി, ഇലക്ട്രിക് വാഹന വിൽപ്പന അടിസ്ഥാന സൗകര്യങ്ങൾ വിപുലീകരിക്കാനും പദ്ധതിയിടുന്നു.ഇലക്ട്രിക് ത്രീ വീലറും വികസിപ്പിക്കുന്നുണ്ട്.
അടുത്ത വർഷം 5 മുതൽ 25 കിലോവാട്ട് വരെ ഉൽപന്നങ്ങൾ അവതരിപ്പിക്കാനും പദ്ധതിയിടുന്നു.വിപണിയിൽ ശക്തമായ ഡിമാൻഡ് ഉള്ളതിനാൽ, കമ്പനി ഇലക്ട്രിക് സ്കൂട്ടർ ഐക്യുബിന്റെ ഉൽപ്പാദന ശേഷി പ്രതിമാസം 25,000 യൂണിറ്റായി ഉയർത്തിയിട്ടുണ്ടെന്നും അത് മുന്നോട്ട് കൊണ്ടുപോകാൻ പദ്ധതിയിടുന്നുണ്ടെന്നും അഭിപ്രായപ്പെട്ടു.
നിലവിലെ പാദത്തിൽ പുതിയ ഇലക്ട്രിക് സ്കൂട്ടർ ടിവിഎസ് എക്സിന്റെ വിൽപ്പന ആരംഭിക്കാനാണ് ടിവിഎസ് പദ്ധതിയിടുന്നത്.
ഇ-സ്‌കൂട്ടറുകൾക്കായി ടിവിഎസിന് 400 ടച്ച് പോയിന്റുകളുണ്ടെന്നും കമ്പനി ഇത് തുടർച്ചയായി വിപുലീകരിക്കുകയാണെന്നും ടിവിഎസ് മോട്ടോർ കമ്പനി ഡയറക്ടറും സിഇഒയുമായ കെ എൻ രാധാകൃഷ്ണൻ പറഞ്ഞു.
ഐക്യുബ് പല വിപണികളിലേക്കും കൊണ്ടുപോകാൻ ആഗ്രഹിക്കുന്നു, ഒരു ഘട്ടത്തിൽ iQube യൂറോപ്പിലേക്കും എത്തും.ആഭ്യന്തര, അന്തർദേശീയ വിപണികളിൽ ടിവിഎസ് എക്സ് ഒരു പ്രധാന പങ്ക് വഹിക്കുമെന്നും അദ്ദേഹം കൂട്ടിച്ചേർത്തു.
അന്താരാഷ്‌ട്ര വിപണിയിലേക്ക് വരുമ്പോൾ ത്രീ വീലർ സെഗ്‌മെന്റിൽ കമ്പനി മികച്ച പ്രകടനമാണ് നടത്തുന്നതെന്ന് രാധാകൃഷ്ണൻ പറഞ്ഞു.
