ന്യൂഡൽഹി: സ്റ്റീൽ പൈപ്പുകൾ നിർമ്മിക്കുന്നതിനും വിതരണം ചെയ്യുന്നതിനുമായി സൗദി അറേബ്യയിലെ (കെഎസ്എ) അതിന്റെ അസോസിയേറ്റ് കമ്പനിയായ ഈസ്റ്റ് പൈപ്പ്സ് ഇന്റഗ്രേറ്റഡ് കമ്പനി ഫോർ ഇൻഡസ്ട്രിക്ക് (ഇപിഐസി) എസ്‌ഡബ്ല്യുസിസി കരാർ നൽകിയതായി വെൽസ്പൺ കോർപ്പറേഷൻ അറിയിച്ചു. മൂല്യവർധിത നികുതി ഉൾപ്പെടെ 324 ദശലക്ഷം എസ്എആർ (ഏകദേശം) ആണ് കരാറിന്റെ മൂല്യം, ഇത് ഈ സാമ്പത്തിക വർഷത്തിൽ നടപ്പിലാക്കും. എസ്‌ഡബ്ല്യുസിസി 2022 മെയ് മാസത്തിൽ 490 ദശലക്ഷത്തിന്റെ എസ്എആർ കരാറും 2022 മാർച്ചിൽ 497 ദശലക്ഷത്തിന്റെ എസ്എആർ കരാറും നൽകിയതിന് പുറമേയാണ് ഇപ്പോഴത്തെ ഓർഡർ. സൗദി അറേബ്യയിൽ ഡസലൈനൈസേഷൻ പ്ലാന്റുകളും പവർ സ്റ്റേഷനുകളും പ്രവർത്തിപ്പിക്കുന്ന ഒരു സർക്കാർ കോർപ്പറേഷനാണ് സലൈൻ വാട്ടർ കൺവേർഷൻ കോർപ്പറേഷൻ (SWCC). രാജ്യത്തെ രണ്ടാമത്തെ വലിയ വൈദ്യുത ദാതാവാണിത്.
സൗദി അറേബ്യയിലെ ഹെലിക്കൽ സബ്‌മെർജ്ഡ് ആർക്ക് വെൽഡിഡ് (HSAW) പൈപ്പുകളുടെ മുൻനിര നിർമ്മാതാക്കളാണ് ഇപിഐസി. വലിയ പ്രോജക്ടുകൾ തടസ്സമില്ലാതെ നടപ്പിലാക്കുന്നതിനുള്ള സാങ്കേതിക അറിവും കഴിവും കമ്പനിയെ കെഎസ്‌എയിലെ ഏറ്റവും വലിയ പൈപ്പ് കമ്പനിയായി മാറ്റി. അതേസമയം എൻഡ്-ടു-എൻഡ് പൈപ്പ് സൊല്യൂഷനുകൾ വാഗ്ദാനം ചെയ്യുന്ന ഒരു ഏകജാലക സേവന ദാതാവാണ് വെൽസ്പൺ കോർപ്പറേഷൻ. കഴിഞ്ഞ നാലാം പാദത്തിൽ കമ്പനിയുടെ ഏകീകൃത അറ്റാദായം 22.9% കുറഞ്ഞ് 236.14 കോടി രൂപയായിരുന്നപ്പോൾ, പ്രവർത്തനങ്ങളിൽ നിന്നുള്ള വരുമാനം 3.5% വർധിച്ചു 1986.56 കോടി രൂപയായിരുന്നു.
ബിഎസ്ഇയിൽ കമ്പനിയുടെ ഓഹരികൾ 0.50 ശതമാനം ഇടിഞ്ഞ് 209.80 രൂപയിലെത്തി.
