റിയാദ്: കൊവിഡിനു ശേഷം ചൈനയുടെ എണ്ണ ആവശ്യകതയുമായി ബന്ധപ്പെട്ട ആശങ്ക ഇന്നും ചോദ്യ ചിഹ്നമായി തുടരുകയാണ്.
ലോകത്തിലെ ഏറ്റവും വലിയ സോളാർ പാനലുകൾ, ഇവികൾ, വിൻഡ് ടർബൈനുകൾ എന്നിവയുടെ നിർമ്മാതാക്കളായ ചൈന, സൗദി അറേബ്യയിലെ മർജാൻ ഫീൽഡിൽ ഉപയോഗിക്കുന്ന ലോകത്തിലെ ഏറ്റവും വലിയ ഓഫ്ഷോർ ഓയിൽ പ്ലാറ്റ്ഫോം നിർമ്മിച്ചു.
പുതിയ ഘടന രാജ്യത്തിന്റെ വലിയ തോതിലുള്ള ഓഫ്ഷോർ എനർജി ഇൻഫ്രാസ്ട്രക്ചറിന്റെ വികസന മുന്നേറ്റത്തെ സൂചിപ്പിക്കുന്നുവെന്നാണ് ചൈനീസ് മാധ്യമങ്ങൾ റിപ്പോർട്ട് ചെയ്യുന്നത്.
24 നില ഉയരം, 17,000 ടണ്ണിലധികം ഭാരം, 15 ബാസ്‌ക്കറ്റ്ബോൾ കോർട്ടുകളുടെ വലിപ്പമുള്ള ഒരു ഡെക്ക്, 24 ദശലക്ഷം ടൺ ക്രൂഡ് ഓയിൽ വാർഷിക ശേഷി (അതായത് ഏകദേശം 176 ദശലക്ഷം ബാരൽ), 7.4 ബില്യൺ ക്യുബിക് മീറ്റർ പ്രകൃതി വാതകം ശേഷി… എന്നിങ്ങനെ നീളുന്നു പ്ലാറ്റ്ഫോമിന്റെ സവിശേഷതകൾ.
ചൈനയുടെ ഈ നിർമ്മിതി അധികം വൈകാതെ സൗദിയിലേയക്ക് കൊണ്ടുപോകും. തുടർന്ന് മർജൻ ഫീൽഡിൽ സ്ഥാപിക്കും. ഉൽപ്പാദനം വർധിപ്പിക്കാൻ ലക്ഷ്യമിട്ടുള്ള സൗദിയുടെ വിപുലീകരണ പദ്ധതിയുടെ ഭാഗമാണിത്.
ഏകദേശം 12 ബില്യൺ ഡോളറാണ് ഇതിന്റെ ചെലവ്. പ്ലാറ്റ്ഫോം വഴി ഫീൽഡ് ശേഷിയിലേക്ക് പ്രതിദിനം 3,00,000 ബാരലുകൾ കൂട്ടിച്ചേർക്കപ്പെടും. ഇതോടെ മൊത്തം ശേഷി 8,00,000 ബിപിഡി ആകും.
കൂടാതെ ഇത് ഈഥെയ്ൻ, പ്രകൃതി വാതക ദ്രാവക ഉൽപാദനത്തിൽ 3,60,000 ബിപിഡി കൂട്ടിച്ചേർക്കും. ഫീൽഡിന്റെ വാതക ഉൽപ്പാദന ശേഷി പ്രതിദിനം 2.5 ബില്യൺ ക്യുബിക് അടി കൂടും.
അന്താരാഷ്ട്ര ഊർജ ഏജൻസി 2030-ന് മുമ്പ് ഏറ്റവും ഉയർന്ന എണ്ണ ആവശ്യകത പ്രവചിക്കുന്നതിനിടയിലാണ് ഇതെല്ലാം സംഭവിക്കുന്നത്.
ഒപെക്ക് പ്ലസ് ഈ വർഷം അവസാനത്തോടെ നിലവിൽ പ്രഖ്യാപിച്ചിരിക്കുന്ന ഉൽപ്പാദന നിയന്ത്രണം ഘട്ടംഘട്ടമായി പിൻവലിക്കുമെന്ന കാര്യത്തിലും പുതിയ നീക്കങ്ങൾ കൂടുതൽ വ്യക്തത നൽകുന്നു. കാരണം സൗദിയും ഉൽപ്പാദനം വർധിപ്പിക്കാനുള്ള ഒരുക്കത്തിലാണെന്ന് പുതിയ നീക്കങ്ങൾ അടിവരയിടുന്നു.
ചൈനീസ് മെഗാ പ്ലാറ്റ്ഫോമിന്റെ പൂർത്തീകരണവും മറ്റൊരു വഴിത്തിരിവാണ്. ഗൾഫ് ഓഫ് മെക്‌സിക്കോയിലെ ആഴത്തിലുള്ള കിണറ്റിൽ ഒരു പുതിയ ഉയർന്ന മർദ്ദം വേർതിരിച്ചെടുക്കൽ സാങ്കേതികവിദ്യ വിജയകരമായി പരീക്ഷിച്ചതായി ഷെവ്റോൺ കമ്പനി കഴിഞ്ഞ ആഴ്ച വ്യക്തമാക്കിയിരുന്നു. സാങ്കേതികവിദ്യയുടെ വിജയം അർത്ഥമാക്കുന്നത് കൂടുതൽ വിഭവങ്ങൾ ചൂക്ഷണം ചെയ്യാൻ സാധിക്കുമെന്നാണ്.
ചൈനീസ് പ്ലാറ്റ്ഫോമും, ഷെവ്റോൺ സാങ്കേതികവിദ്യയും ഓഫ്ഷോർ ഡ്രില്ലിംഗ് വീണ്ടും സജീവമായതിന്റെ തെളിവാണെന്നു വിദഗ്ധർ പറയുന്നു. ക്രൂഡ് മേഖലയിൽ വൻ മുന്നേറ്റമാണ് ചൈന നടത്തിയിരിക്കുന്നത്.
ചൈനയുടെ എണ്ണ ഡിമാൻഡ് താഴ്ന്നിരിക്കാനുള്ള കാരണമായി പോലും ഇവ സംശയിക്കേണ്ടി വരും. കാരണം പുതിയ നീക്കങ്ങൾ വഴി ചൈന ആഭ്യന്തര ഉൽപ്പാദനം വർധിപ്പിച്ചേക്കാം. ഇതാകും രാജ്യത്തിന്റെ എണ്ണ ഇറക്കുമതി കുറഞ്ഞിരിക്കാൻ കാരണമെന്നും ചിലർ സംശയിക്കുന്നു.
മർജാൻ പ്ലാറ്റ്ഫോം, ഷെവ്റോൺ ഹൈ പ്രഷർ ടെക്നോളജി എന്നിവ ഹ്രസ്വകാല വൈവിധ്യങ്ങളല്ലെന്നും, ഹൈഡ്രോകാർബണുകളുടെ സുസ്ഥിരമായ ദീർഘകാല ഡിമാൻഡ് സൂചിപ്പിക്കുന്ന നിക്ഷേപങ്ങൾ ആണെന്നും ഇന്റർനാഷണൽ എനർജി ഏജൻസി പറയുന്നു.
ചൈന വൈദ്യുതീകരണത്തിൽ ശ്രദ്ധ കേന്ദ്രീകരിക്കുന്നുവെന്നതും എണ്ണ ഡിമാൻഡ് കുറയാനുള്ള കാരണമാണ്. ഇവി വിൽപ്പന ഉയരുന്നതിനിടയിൽ, ഇറക്കുമതി ആശ്രയത്വം കുറയ്ക്കാൻ ചൈന അതിന്റെ ആഭ്യന്തര എണ്ണ ഉൽപ്പാദനം വർദ്ധിപ്പിക്കുന്നു.
